Słuchaj Radia Kaszebe
    Kaszëbë fana

    Opublikowano 17 marca, 2017 | przez Sylwia Bartosik

    19 strëmiannika më fejrëjemë nôrodné swiãto

    Manifestowanié jednotë i przëbôczenié historie Kaszëbów to je dërżéń fejrowónégò 19 strëmiannika Dnia Jednotë Kaszëbów. W tim dëchù są ùroczëznë w szkòłach, witro pòbiegną i pòmaszerëją we Wiôldżi Wsë, a w niedzelã w Chmielnie akòrdionyscë pùdą na rekòrd.

    – Na wdôr cedla z 19 strëmiannika 1238 rokù më fejrëjemë swiãto, jaczégò spòdlim je przemëszlenié swòji historie – przëbôcziwô jeden z jinicjatorów swiãta, a dzysô przédnik Kaszëbsczi Jednotë Karól Róda.

    Pierszô pisónô nadczidka ò Kaszëbach je ze strzédnëch stalatów – papiéż Grégór 9 w bùllë dôł szczecyńsczémù ksyżëcowi titel „ksyżëca Kaszëb”. Kaszëbskô Jednota we wespółrobòce z gminą Wiôlgô Wies òrganizëje witro drëgą edicjã Biegù Jednotë Kaszëbów. Nômłodszi przebiegną distans jaczi òdpòwiôdô datã wëdaniô historicznégò dokùmeńtu, pózni na szpùr rëgną biegacze i lubińcowie Nrdic Walkingù. – To je biég z deją, temù pùdzemë sztrasama gardu, a szoférowie mùszą to nama wëbôczëc – gôdô Janusz Nowicczi z Ceńtrum Kùlturë, Promòcje i Spòrtu. Biegacze sztartëją spòd radnicë, temù òd 11:40 do 1:30 witro to mdze mógł miec ùtrudnienia w rëszbie w ceńtrum Wiôldżi Wsë. Na czas II Biegù Jednotë Kaszëbów mdze zamkłô rëszba na Chlapòwsczi Drodze i Kòpalniany sztrasë òd skrziżowaniô z drogą w stronã Łebcza do Wiôlgòwiejsczi sztrasë w Chlapòwie. Tam tôkle mdą òd 12:00 do 12:50.

    Klëka Radia Kaszëbë, 17.03.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑