Słuchaj Radia Kaszebe
    Publikacje

    Opublikowano 30 października, 2017 | przez Adóm Hébel

    Albùm na 15-lecé Misterium – promòwelë we wejrowsczim mùzeùm

    Albùm na 15-lecé Misterium we Wejrowie – mielë promòwóné we wejrowsczim mùzeùm. Zbiér òdjimków aùtorstwa Michała Ceszke to dokôzë w stonowónëch farwach, dzãka czemù farwné òbleczenié wiérnëch na Kalwarie nie rozprosziwô przë wzéranim na biblijné scenë.

    Mòżna bëło sã z nim zapòznac, a téż dostac egzemplér na pòtkanim we wejrowsczim mùzeùm, dze aùtór òdjimków pòwiôdôł ò swòjim ùdzélu w Misterium. Zachãcywôł przë tim, cobë nie robic òdjimków swòjima telefónama, le przeżiwac ten òsoblëwi czas na wejrowsczich górach. Na pòtkanim béł téż aùtór tekstów do piesniów spiéwónëch òb czas Krziżewi Drodżi – Tomôsz Pohl, jaczi pòdsztrichiwôł, że ùtwórstwò w misterium wëmôgô prostotë. Zéńdzonëch w piątkòwi wieczór ùczestnił swòją bëtnoscą aùtór teòlogicznégò wstãpù do albùmù ks. prof. Jón Perszón. Pòwiôdôł ò tim, jak wôżné są w jegò dëchòwim żëcym kalwarijsczé górë i jak wiôlgą robòtą je półtora dekadë dzejalnoscë Misterników. To nie je zwëczajné artisticzné wëdarzenié – pòdsztrichiwô. Promòcjô albùmù to pòsobny elemeńt fejrowaniô 15-lecô Kaszëbsczich Misterników. Przédnô gala bëła w Kaszëbsczi Filharmónie.

    Klëka Radia Kaszëbë, 30.10.2017

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑