Słuchaj Radia Kaszebe
    Kultura

    Opublikowano 4 grudnia, 2015 | przez Anna Cupa-Dziemińska

    Hanne Makùrôt ë trzecy tomik pòezje

    Bãdze trzecy tomik pòezje jedny òd nôbarżi òsoblëwëch pòetków młodégò pòkòleniô. Hana Makùrôt ze Gduńska dzãka sztipendium marszôłka pòmòrsczégò wòjewództwa twòrzi 50 wiérztów pòd zéwiszczã „Jintimné mònolodżi”.

    W tã jeséń òna dobëła lëteracczi kònkùrs „Powiew weny” we Wejrowie i dobëła szpecjalną nôdgrodã na 30 Òglowòpòlsczim Lëteracczim Kònkùrsu m. Mieczisława Strijewsczégò w Lãbòrgù. Hana Makùrôt to je dochtórka hùmanistnëch nôùków z òbrëmieniégò jãzëkòznajôrstwa na Gduńsczim Ùniwersytece. Dolmaczi lëteraturã ze słowiańsczich jãzëków na kaszëbsczi, przekłôda m. jin. „Zdënk” Gòmbrowicza. Ji nôwikszą pasją, jak òna sama gôdô je równak twòrzenié pò kaszëbskù. W trzecym tomikù wiérztów Hanë Makùrôt pòd titlã „Jintimné mònolodżi” są miłotné, egzystencjalné i filozofné wiérztë. Tomik mô bëc na drëdżi rok wëdóny. Do gôdczi z Haną Makùrôt më wrócymë pò pôłnim w aùdicje Na widnikù Kaszëbë. (Foto: Michał Kowalski – ze zbiorów Hanny Makurat)

    Klëka Radia Kaszëbë, 04.12.2015

    Udostępnij: Share on Facebook0Share on Google+0Print this pageEmail this to someone

    Tagi:








    Back to Top ↑