Słuchaj Radia Kaszebe
    Świat

    Opublikowano 15 maja, 2017 | przez Adóm Hébel

    Bretonka Morgane Lincy Fercot je pò nagraniach gazétników i artistów

    Dokùmeńtëje ùdbë na rozkòscérzanié môłëch jãzëków i bëła na Kaszëbach – Bretonka Morgane Lincy Fercot je pò nagraniach gazétników, artistów i dzejarzi.

    – Platfòrma ùdbów pòmòże w przenosziwanim skùtecznëch nôrzãdłów wëpracowónëch w jednym kraju na jiny gruńt – pòdsztrichiwô Morgane Lincy Fercott.

    Wszëtkò w òbrëmienim projechtu yezhou jaczégò célã je registrowanié dzejalnoscë aktiwistów jaczi mają òsoblëwé i skùteczné ùdbë na promòwanié swòjégò jãzëka. Wszëtkò mdze do òbezdrzeniô na stronie yezhousite.com. Òd stëcznika Morgane Lincy Fercott nagra midzë jinyma Òksytanów we Francëje, miészëznë w Szpanie czë Jitalie, w ùszłim tidzeniu skùńczëła robic wëwiadë z tima co promùją kaszëbsczi jãzëk.

    Przikładã taczich tranferów ùdbów je baskijskô biégòwô rozegracjô Korrika, jakô terô je téż òrganizowónô midzë jinyma w JIrlandie, czë Bretanie, a deja łączeniô spòrtowi aktiwnoscë z bùdowanim swiądë je widzec chòcbë w naszim Biégù Jednotë Kaszëbów. Na Kaszëbach bretońskô dzejôrka òdwiedzëła midzë jinyma naszã redakcjã, a téż zazdrzała na próbã karna Fucus, szkòłową wanogã czë próbã kabaretu Kùńda. 3-5 minutowé filmiczi z ji wizytów to mdze mógł òbzérac na jinternetowi stronie projechtu yezhou.

    Klëka Radia Kaszëbë, 15.05.2017

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑