Słuchaj Radia Kaszebe
    Kraj

    Opublikowano 19 lipca, 2018 | przez Adóm Hébel

    Chcą òdłączëc ladowanié Warszawë – Szlązacë pò Marszu Aùtonomie

    Tą razą bez kaszëbsczi delegacje przeszedł w Katowicach Marsz Aùtonomie. To wëdarzenié òrganizowóné przez Rësznotã Aùtonomie Szląska czãsto je równak leżnoscą do manifestowaniô przez Kaszëbską Jednotã, chtërna zgôdzô sã z dzélã pòstulatów szląsczi òrganizacje.

    – To nie je le biôtka ò wrócenié Szląskòwi aùtonomie, le zgrôw do jiny, w najim przekònanim lepszi òrganizacje państwa – gôdô przédnik Rësznotë Aùtonomie Jerzi Gòrzelik.

    Chòc latos nie wësła tam swòji delegacje, równak niezmienno włącziwô sã w dejã decentralizacje. Marsz Aùtonomie przeszedł 14 lëpińca pòd zéwiszczã òdłączeniô ladowaniô Warszawë, co mô znaczëc òddanié wikszégò dzéla kòmpetencjów samòrządowim wëszëznóm, co bë zblëżëło Pòlskã ùstrojowò o państwów taczich jak Miemcë czë USA, dze landë i stanë mają wiksza aùtonomiã, jak wòjewództwa w dzysészim rozmienim. Wëdarzenié to bëła téż leżnosc do prawëkònaniô szląsczégò himnu, donëchczas nie bëło piesnie, jakô bë parłãczëła Szlązaków wszëtczich òpcjów jakno nôrodny symból.

    Klëka Radia Kaszëbë, 19.07.2018

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑