Słuchaj Radia Kaszebe
    Chmielno

    Opublikowano 16 marca, 2017 | przez Pioter Szëca

    Chmielno je fardich na bicé akòrdionowégò rekòrdu

    chmielno 1

    Chmielno je fardich na Dzéń Jednotë Kaszëbów. W niedzelã akòrdionyscë mdą bilë rekòrd Pòlsczi w równoczasny grze na akòrdionie.

    – Bicé rekòrdu je prezwidzoné na 3 pò pôłnim – gôdô direchtórka chmieleńsczégò GOSù Édita Klôsa.

    To je rozegracjô jakô sã zrzeszëła na dobré z fejrowanim nôrodnégò swiãta. Gòspòdarzã kòzdi rok je jinô nôlëzna, òstatno rekòrd béł pòbiti w Bòjanie w gminie Szëmôłd dze zagrało 372 akòrdionystów. Tą razą mùzykańcë zjadą do Chmielna, tamtészô gmina òrganizëje ùroczëznã wespół z kartësczim krézã i Kaszëbskò-Pòmòrsczim Zrzeszenim. Fejrowanié sã zacznie ò 11:00 mszą swiãtą z kaszëbską liturgią słowa, òficjalné òdemkniãcé je zaplanowóné na 12:30 w Karnie Szkòłów.

    Strzód towarzącëch wëdarzeniów to dô: maratón czëtaniô dzecóm pò kaszëbskù, projechcje filmów ò Kaszëbach, turniér grë w baszkã i wëstôwczi: pòswiãconô Józefòwi Chełmòwsczémù i akòrdionów Paùla Nowaka. Òrganizatorowie radzą, cobë przed przëjachanim do Chmielna zazdrzec na jinternetową stronã gminë, tam je kôrta z wëznaczonyma parkplacama. W niedzelã dzél ceńtrum Chmielna mdze wëłączony z rëszbë.

    Klëka Radia Kaszëbë, 16.03.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑