Słuchaj Radia Kaszebe
    Edukacja

    Opublikowano 6 grudnia, 2017 | przez Dominik Lewicki

    Czy dwajãzëkòwé szkòłë to dobri czerënk dlô kaszëbsczi edukacje?

    Zagróżba zmiészeniô subwencjów na ùczbã kaszëbsczégò w szkòle to nié dlô wszëtczich lëché rozrzeszenié. Dzãka temù rozrzeszeniémù barżi sã lónëje wprowadzywac dwajãzëkòwą edukacjã – taką, dze jiné przedmiotë téż są ùczoné pò kaszëbskù.

    Dzãka temù lżi je tak ùsztôłtowac młodégò człowieka, żebë chcôł w swòjim jãzëkù gadac. To bë bëło dobré, czejbë bëło mòżlëwé – gôdô Łukôsz Grãdzëcczi. Na dzysô ni mómë kadrów jaczé bë prowadzëłë ùczbë w tim jãzëkù dlô wicy jak 20 tës. ùczniaków, a do tegò nie je wiedzec jak wprowadzywanié mdze przebiégac. Miast żdac pôrãnôsce lat lepi je sã wząc do robòtë ju dzysô – przekònywô Karól Róda, przédnik Kaszëbsczi Jednotë i direchtór Naji Szkòłë – priwatny placówczi w jaczi dwajãzëkòwé naùcziwanié je przëjãtą praktiką.

    Dwajãzëkòwô edukacjô je tedë mùszebnô dlô rozwiju kaszëbsczégò jãzëka. Donëchczasnô systema subwencjów to je téż mòżlëwòta òszëkiwaniô i wëdôwaniô dëtków czerowónëch na kaszëbską edukacjã w jinym célu, na przëmiôr ùtrzëmanim môłëch szkòłów. Skala tegò procederu je widzec pò tim, że samòrządarze, a nawet dzejarze nie ùkriwają tegò faktu, a nawet chwôlą taczé przeznacziwanié pùblëcznëch pieńdzy niezgódno z jich célã.

    Klëka Radia Kaszëbë, 06.12.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑