Słuchaj Radia Kaszebe

    Opublikowano 10 września, 2018 | przez Adóm Hébel

    Danuta Détlawa – chcemë chronic Pòmòrsczi Dodóm

    Towarzëstwò ùpiãksziwaniô gardu Pùcka trzecy rôz òrganizëje Wòluntérstwò dlô zabëtków nordë. W ji òbrëmienim młodi nié le pòznôwają specyfikã môlowi architekturë, ale téż jidą w teren cobë wespół z profesjonalistama fòtografòwac ceglané bùdinczi i architektoniczné detale.

    Przédniczka Towarzëstwa pòdsztrichiwa, że projecht mô téż pòmòc w nalézenim spòsobów na retanié zabëtków. Mieszkańcowie taczich òbiektów colemało mają swiądã historiczny wôrtnotë bùdinkù a nawet sami chcą ùchòwaniô ti spôdkòwiznë, le felëje pòmòcë w taczim fąkcjonowanim, żebë bùdink béł fąkcjonalny a równoczasno ùchòwôł swój charaktér. Jesz jednym dzejanim Towarzëstwa w òbrëmienim projechtu je Jinwentarizacjô Skôrbca Benediktinków w Żarnówcu. Jak sã òkazywô, wiele zabëtków je tam niéòpisónëch. Mòżlëwòta òbezdrzeniô pamiątków z żarnowiecczi swiãtnicë mdze w niedzelã òd 10:00 do 2:00. Pòsobnô leżnosc mdze dopiérze za półtora rokù.

    Dobri Dzéń Kaszëbë, 10.09.2018

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑