Słuchaj Radia Kaszebe
    DD Kaszuby

    Opublikowano 11 kwietnia, 2018 | przez Adóm Hébel

    Eùropejsczi ekspercë w Lëzënie – spòrt nikwi wëkluczenié

    Spòrt mòże nikwic spòlëznowé wëkluczenié – programã rozwiju taczich dzejaniów òbrobiwają ekspercë z Eùropë w Lëzënie.

    „Më jesmë pòdskacony tim, że młodi mają tu przistãp do spòrtu za darmòka” – gôdô Stanimir Stojiljković (Станимир Стојиљковић ), profesór Wëdzélu Fizycznégò Wëchòwaniô na Ùniwersytece w Belgradze

    W Lëzënie dzelą sã doswiôdczeniama jak aktiwizowac spòrtowò młodëch z wëkluczonëch grëpów – w òbrëmienim projechtu Sport For All. Pò badérowaniach w Tërcje, Cyprze, Rumùnie i Serbie pòspólno w Lëzënie wëcygają wniosczi jak so radzëc z nôwôżniészima wëzwaniama i jak spòrtowé strzodowiszcze mòże pòmòc w nikwienim taczich zjawiszczów jak alkòhòlëzna, narkòmaniô, czë lëchô finansowô sytuacjô.

     

    Pòspólné, a téż charakteristné dlô kònkretnëch krajów problemë zbadérowelë ùczałi z Ùniwersytetu w Belgradze. Òkazywô sã, że më mómë wiele pòspólnégò ze sytuacją w Serbie – mierzimë sã z alkòhòlëzną, narkòmanią, niekòmpletnyma familiama czë dłudżim czasã spãdzywónym przed kòmpùtrã, na co radą mògą bëc dobrze przërëchtowóné programë spòrtowi aktiwizacje.

    Naje kraje są różné, temù chcemë  ùzwglãdniwającë tã rozmajitosc nalézc pòspólné rozrzeszenia – gôdô Paùel Radecczi z Kaszëbsczégò Spòrtowò-Kùlturalnégò Towarzëstwa w Lëzënie.

    Efekt robòtë mô bëc zwënégòwóny w czwiôrtk, czej ùczãstnicë projechtu wëcmanim zrëchtëją programã rozwiju. Finał akcje mdze w cyprijsczim Limasol – profesjonalnym klubie bëtnym m. jin. w eùropejsczich rozgriwkach. Trenérowie z tegò karna przeprowadzëlë trening z lëzyńsczima balownikama.

    Dobri Dzéń Kaszëbë, 11.04.2018

     

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑