Słuchaj Radia Kaszebe
    Sianowo florian ceynowa

    Opublikowano 18 kwietnia, 2017 | przez Adóm Hébel

    Florión Cenôwa bãdze ùtczony w Swiónowie

    Florión Cenôwa, òjc kaszëbsczégò nôrodu bãdze ùtczony w Swiónowie. Cenôwa pòchôdôł ze Sławòszëna na nordze, w Swiónowie béł nalazłi przez miemiecczé wëszëznë pò nieùdónym pòwstanim w Starogardze Gduńsczim.

    – Karna Òska i Cassubia przërëchtëją artistną programã – zachãcywô przédniczka Òsczi Katarzëna Kankòwskô-Filëpiôk.

    Miôł bëc skôzóny na sztrôfã smiercë le òbjimnãła gò amnestiô. Latos më fejrëjemë 200 roczëznã jegò ùrodzeniô. Temù prawie we wsë Matczi Bòsczi Królewi Kaszëb 7 maja bãdze ùroczëzna jakô mô ùpamiãtnic ùtwórcã kaszëbsczi rësznotë Floriana Cenôwã. Nôwôżniészim pąktã rozegracje je òdsłoniãcé òbeliskù pòswiãconégò temù bòhatérze. Pózni do pòspólnégò fejrowaniô rôczą Młodi Kaszëbi do tamtészégò gimnazjum. Całémù wëdarzeniémù mdze téż towarzëc wëdanié pòkòngresowi pùblikacje, w jaczi mdą zapisóné wëstąpienia na pòtkanim Młodëch Kaszëbów w Kartuzach w 2016 rokù.

    Klëka Radia Kaszëbë, 18.04.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑