Słuchaj Radia Kaszebe
    Kaszëbë

    Opublikowano 27 grudnia, 2017 | przez Adóm Hébel

    Gwiżdże ju przed swiãtama bëłë widzoné we Wejrowie

    Chòc czas Gwiżdżów przëszedł dopiérze terô, pò swiãtach, ju w piątk mieszkańcowie Wejrowa mòglë kòlãdowac razã z pùrtkã, dżadã, babą, bòcónã i jinyma pòstacjama òdgriwónyma przez dzecë z priwatny placówczi Naja Szkòła.

    – Më jesmë pòzytiwno zdzywiony òdbiorã przez wejrowską spòlëznã – gôdô szkólny Sławòmir Krauza.

    Na wejrowsczim rinkù rozbrzëmiałë nôbarżi snôżé kòlãdë, a we wejrowsczim mùzeùm béł szpëtôkel pòswiãcony ti témiznie, w jaczim nie zafelało kòmicznëch, ale téż patrijotnëch wątków.A te przezeblekłé pòstacje mają przëniesc szczescé – strzód nich są bòcón, kòzelbòk, miedwiédz, le téż szandara, diôbéł, czë smierc. Tradicjowò Gwiżdże zaczinają chòdzëc we Wilëją i pòtkac jich mòżna w Gòdowim Cządze. W niejednëch regionach jich wizyta przëpôdô na zylwestra. Aùtorã scenarnika i mùzyczi do przedstôwkù Naji Szkòłë je Tomôsz Fópka. Reżisérką szpëtôklu w jaczim wëstąpilë ùczniowie i szkólny je Katarzëna-Kankòwskô Filëpiôk.

    Klëka Radia Kaszëbë, 27.12.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑