Słuchaj Radia Kaszebe

    Opublikowano 4 sierpnia, 2017 | przez Adóm Hébel

    Izabela Ryska – w geszeftach wôżnô je pasjô

    Dobiwcka Gdińsczégò Biznesplanu w kategòrie Open pòwiôdô nama ò swòjim geszefce – nôtërnëch swiécach do masażu. Chòc je z bùtna przëjachónô to w ji historiã wchôdaniô na rink pòjôwiô sã kaszëbsczi wątk…

    „Czej më mómë pasjã, tej nama je lżi jic tą stegną i sã pòdnaszac pò ùpôdkach” – pòwiôdô Izabela Ryska, laùreatka Gdińsczégò Biznesplanu.

    Prudukcjô swiéców do masażu to je ùdba na żëcé Izabelë Rysczi, jakô nie jidze na kòmpromisë – pôcha i wëzdrzatk swiéców to je efekt ùżëcô w 100% nôtërnëch składników. A co sã skłôdô na nôdgrodã w Gdińsczim Biznesplanie? Nôdgrodë to dëtczi, le téż darmòk reklama w jinternece, czë òpłacenié ksãgòwòscë.

    Gòsc aùdicje Dobri Dzéń Kaszëbë miała do rzekniãcô wiele na témã drodżi do sukcesu. Wôżnô je pasjô, chtërna pòzwòliwô biôtkòwac nawet czej nama nie jidze – cwierdzy geszeftniczka.

    Swiéce do masażu są nanosziwóné na cało pò roztopienim, dzejają dobrze na skórã. Izabela Ryska sprzedôwô je w glënianëch zbónuszkach jaczé są produkòwóné w nôbarżi znónym ceramicznym warstace familie Neclów w Chmielnie. Geszeftniczka zdecydowa ò wëbranim kòntraheńta òczarzonô òkòlim zakładu. Jak widzec, w geszeftach nié blós chłodnô kalkùlacjô sã rechùje…

    Dobri Dzéń Kaszëbë, 02.08.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑