Słuchaj Radia Kaszebe

    Opublikowano 2 marca, 2017 | przez Adóm Hébel

    Jiwóna Jocz-Adamkòwicz – wszëtkò co piszą ò Pòmòrzim w jednym placu

    Registrëją wszëtkò co sã pisze ò Kaszëbach – pòsobny numer Regionalnëch Nowinów do czëtaniô na stronie Wòjewódzczi Bibloteczi

    Wiertelnik Regionalné Nowinë, jaczégò 12-sti numer wëszedł w ùszłim miesącu sã skłôdô z lëste ksążków i jinëch pùblikacjów jaczé sã tikają Pòmòrzégò. Wòjewódzkô bibloteka chce dzãka temù zgromadzëc wiédzã ò wszëtczim co wëchôdô na ksążkòwim rinkù. Dzãka robòce biblotekarzów wiémë, że pòpët je na beletristikã, le wëdôwóné są téż biografie, czë ùczałé dokazë. W “Nowinach” më nalézemë biblograficzné notë, a téż jinternetowi pòwrózk do wëdôwiznë – jeżlë takô je. Ta lësta je zrobionô z mëslą ò biblotekach na całim Pòmòrzim jaczé nie òrientëją sã we wszëtczich nowinach, ale je widzec, że cządnikã jinteresëją sã téż wëdôwcowie – gôdała na naszi antenie redachtórka wëdôwkù Jiwóna Jocz-Adamkòwicz.
    Jesz jedną rolą Regionalnëch Nowinów je mònitorowanié i analiza rozwiju rinkù ksążczi. Wniosk, jaczi òdkôzała Jocz-Adamkòwicz to zajinteresowanié naszą zemią wëdôwców z bùtna. Z kaszëbskòjãzëkòwëch nowinów wikszi dzél to pòézjô, całi czas felëje prozë, jakô colemało je wëdôwónô we fòrmie pòkònkùrsowëch antologiów. W òstatnëch latach czãśtotlëwòsc wëdôwaniô pò kaszëbskù ùtrzëmiwô sã na ti sami niwiznie. Wicy je za to ùczałëch dokazów, taczich jak Gramatika Kaszëbsczégò Jãzëka Hanë Makùrôt. Z całą lëstą wëdónëch niedôwno ksążków mòże sã zapòznac na stronie Wòjewódzczi Bibloteczi we Gduńskù.

    Dobri Dzéń Kaszëbë, 01.03.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑