Słuchaj Radia Kaszebe
    Gduńsk

    Opublikowano 13 lutego, 2017 | przez Adóm Hébel

    Karno do sprawów młodzëznowi pòliticzi mô pòmagac wëszëznóm Zrzeszeniô

    Problemòwé karno do sprawów młodzëznowi pòliticzi to je jedna z taczich grëpów jaczé mają pòmagac wëszëznóm Zrzeszeniô w ùstaliwanim czerënków rozwiju, a téż bëc karnôlã jaczi łączi lëdzy z jinëch strzodowiszczów z Zarządã.

    – Zarząd Kaszëbskò-Pòmòrsczégò Zrzeszeniô téż merkô te zmianë i pòwòłanié karna mô pòmòc w docéranim do młodëch jaczi nierôz ni mają wespiarcô ze stronë môlowëch dzejarzi – gôdô przédniczka karna Karolëna Keler ze Słëpska.

    Swòje zajinteresowanié młodima wërazëlë ju w ùszłim rokù òrganizatorowie Kòngresu Młodëch w Kartuzach, a téż Kaszëbskô Jednota, jakô mô wikszi ùdzél młodzëznë. Ùczniacë gimnazjów i strzédnëch szkòłów zrzesziwają sã téż w Cassubie i Òsce, jaczé pòwstałë na dënëdze zaczãti na Kòngresu rewòlucje młodëch. Jednym z luznëch bédënków je ògłoszenié grańtowégò kònkùrsu w jaczim Przédny Zarząd bë przëdzéliwôł dëtczi na jinicjatiwë młodëch. Karno mô téż bëc fòrum w jaczim wëmieniwają sã ùdbë i doswiôdczenia i dzãka niemù młodi nôleznicë abò lubińcowie Zrzeszeniô mdą mòglë realizowac swòje ùdbë niezanôleżno òd decyzje môlowëch partów. Zéńdzenié na jaczim pòjawią sã przedstôwcowie wikszi lëczbë strzodowiszczów i mdą ùstaloné bieżącé dzejania mdze 25 strëmiannika, planowò karno mô sã pòtikac rôz na wiertel rokù.

    Foto: Facebook/ Karolina Keler

    Klëka Radia Kaszëbë, 13.02.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑