Słuchaj Radia Kaszebe
    DD Kaszuby

    Opublikowano 2 stycznia, 2017 | przez Adóm Hébel

    Karól Róda – słowiańskô wëcmanizna

    Ùczałi z jinëch słowiańsczich krajów sã jinteresëją kaszëbizną nierôz barżi jak më – temù Kaszëbskô Jednota òdmikô sã na jiné słowiańsczé miészëznë i łączbã z ùczałima i ògłoszô Rok Kaszëbów westzód słowiańsczich nôrodów.

    „Słowiańsczé nôrodë parłãczi to, że jesmë w pòstkòmùnistnëch krajach i mómë pòspólné doswiôdczenia” – cwierdzy Karól Róda.

    Pò wiôldżim sukcesu jaczim je wpisanié nas Kaszëbów w sztrukturë EFA i promòwanié kaszëbiznë w pùblëcznym żëcym np. przez jigrã mònopól przëszedł czas na słowiańską wëcmaniznã. Przédnik stowôrë Kaszëbskô Jednota pòdrechòwôł na naji antenie 2016 rok a téż zapòwiedzôł planë na nowi.

    Ju drëdżi rôz to dô Biég Jednotë Kaszëbów we Wiôldżi Wsë. Taczé fejrowanié nôrodnégò swiãta zachãcywô do fizyczny aktiwnoscë i je òderwanim sã òd òklepónégò festinowégò charakteru tëch ùroczëznów. Dlô nômłodszich je przewidzony distans 1238 métrów, co mô ùpamiãtnic rok, czej nasz nôród zajistniôł na kôrtach historie.

    Latos przëpôdô 150 roczëzna słowiańsczégò zjôzdu, na jaczim béł w Petersbùrgù òjc kaszëbsczégò nôrodu Florión Cenôwa. Temù téż delegacjô Kaszëbsczi Jednotë pòjedze w delegacje do Mòskwë na ùroczëznë.

    Ò Kaszëbczi Jednoce i jich planach mòżemë przeczëtac na stronie http://www.kaszebsko.com, tam téż mòże nalézc jinfòrmacjã jak sã zapisac do ti stowôrë.

    Dobri Dzéń Kaszëbë, 02.10.2017

     

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑