Słuchaj Radia Kaszebe
    Kartuzë

    Opublikowano 1 czerwca, 2017 | przez Adóm Hébel

    Kartësczé mùzeùm fejrëje 70. gebùrstach

    To mdze leżnosc do pòznaniô historie placówczi i ji załóżcë i patrona – Frãca Trédra. Jubileùsz 70 roczëznë jistnieniô Kaszëbsczégò Mùzeùm mdze w piątk.

    Wszëtkò zacznie sã mszą swiãtą ò 10:00 w kòscele swiãtégò Kadzmierza. Pò tim kartësczé Mùzeùm przërëchtowało atrakcje, jaczé mają ùczestnic ùroczëznã. Pòwiôdała w aùdicje Dobri Dzéń Kaszëbë Barbara Kąkól, direchtórka Kaszëbsczégò Mùzeùm w Kartuzach. Pòznanié sylwetczi Frãca Trédra pòmòże w ùswiądnienim so specyficzi sami jinstitucje, jakô zacza fąkcjonowac pò wòjnie, le ju rëchli ji ùtwórca zachãcony przez Aleksandra Majkòwsczégò zaczął zbiérac pamiątczi jaczé miałë bëc ekspònatama. Mùzeùm rôczi téż do òdwiedzeniô wëstôwków jaczé prezeńtëją historiã Kaszëb òd czasów przed naszą erą. Gôdkã z naszim gòscã jidze òbezdrzec na radiokaszebe.pl.

    Klëka Radia Kaszëbë, 01.06.2017

    Udostępnij: Share on Facebook0Share on Google+0Print this pageEmail this to someone

    Tagi: , ,


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑