Słuchaj Radia Kaszebe
    Pùck

    Opublikowano 25 lipca, 2017 | przez Marcin Szczepański

    Kaszëbsczé przeńdzenia pòprowadzą do Kaszëbsczégò Parkù w Pùckù

    To dô kaszëbsczé wzorë na przeńdzenim dlô piechtnëch, a park mdze rëmniészi i barżi atrakcjowi – w Pùckù robią przë kòncepcje przemòdłowaniô skweru przed tamtészim Ùrzãdã Gardu. Òd slédny czerwińcowi sesje òn ju sã nie nazéwô Prezydeńcczi, gardowi radny mają jã mienioné na Kaszëbsczi Park.

    – W Pùckù felało pùblëcznégò rëmù, jaczi bezpòstrzédno bë narzesził do juwernotë gardu – gôdô bùrmésterka Hana Pruchniewskô.

    Ùdba jesz je w przërëchtowanim, ale to ju je wiedzec, że do parkù pòprowadzy przeńdzenié dlô piechtnëch òbzdobioné wzorama z pùcczi szkòłë wësziwkù. Pòwstónie téż czile nowëch weńsców, a plac mdze dopasowóny do prowadzeniô gardowëch rozegracjów. Robòta w Kaszëbsczim Parkù w Pùckù mô rëgnąc na drëdżi rok. Dëtkòwé wespiarcé projechtu mô zadeklarowóné Jeffrey Prang – ùszłi bùrméster Zôpadnégò Hollywood, jaczi we łżëkwiace béł na Nordze w szëkbie za swòjima kaszëbsczima kòrzeniama.

    Klëka Radia Kaszëbë, 25.07.2017

    Udostępnij: Share on Facebook0Share on Google+0Print this pageEmail this to someone

    Tagi:








    Back to Top ↑