Słuchaj Radia Kaszebe
    NW Kaszëbë Zdjęcie0226

    Opublikowano 26 kwietnia, 2016 | przez Adóm Hébel

    Kaszëbsczi McDonald’s

    Aùtobùsã do MacDonalda? Chto bë to widzôł? Na kònkùrs kaszëbsczégò jãzëka przëjachało fùl dzecy i młodzëznë, w tim zòrganizowóné karno z Wiôldżi Wsë. Wczora pùckô restaùracjô sã zamienia w talentshow. Zasadë bëłë prosté – mùszi rzec kòmisje tekst pò kaszëbskù i òdpòwiedzec na pëtania.

    Dzãka temù, że to sã òdbiwô w pùblëcznym placu młodi lëdze czwiczą swòjã charizmã. Przede wszëtczim më równak chcemë achtnąc to, że òni kòchają swój òjczësti jãzëk – gôdô licencjobiérca pùcczégò MacDonalda Jack Chòdakòwsczi.

    Ùczãstnicë mielë rzec jaczis tekst przed Kòmisją, złożoną z Élżbiétë Derc, Jerzégò Łiska i Zenona Bratczi i òdpòwiedzec na jich pëtania. To dobrô leżnosc dlô tëch, co sztartëją w Rodny mòwie, żebë pòczwiczëc pùblëczné wëstãpë – dozdrzôł to Adóm Hébel.

    Pùcczi MacDonald to je, przënômni w dzélu, kaszëbskô restaùracjô. Na dwiérzach më mòżemë pò naszémù przeczëtac czedë lokal je òdemkłi, a rôz do rokù zjéżdżają tam całé familie, żebë dopingòwac nômłodszim w jich zmaganiach z kaszëbczim jãzëkã. Òceniwô jich kòmisjô znajarzów kaszëbsczégò jãzëka, jakô sã czerëje rozmajitima aspektama.

    Në tej jak to mdze I’m loving it pò kaszëbskù? To lubi mie?

    Na widnikù Kaszëbë, 26.04.2016

     

    Udostępnij: Share on Facebook0Share on Google+0Print this pageEmail this to someone

    Tagi: , , ,


    O zespole







    Back to Top ↑