Kaszëbskô etnofilologijô wrôcô na Gduńsczi Ùnywersytet

Za niecałi miesąc régnie nabiér na kaszëbską etnofilologiją. Ten arcëwôżny dlô Kaszëbów czerënk wrôcô na Gduńsczi Ùnywersytet. Dërch to dô jednak limit chãtnëch, jaczi je prziczëną zawiészeniô nabiéru na rok.

Òd nowégò akademicczégò rokù kaszëbskô etnofilologijô mdze sparłãczonô z pòlską filologiją. „Móże rzec, że są to dwa czerënczi w jednym” – podsztrichùje prodzekónka do sztudencczich sprôw filologicznégò wëdzélu dr Ewelina Gutowskô-Kozielskô.

Procëm rëchlészim zapòwiescóm, limit kandidatów nie je czësto zniosłi. Cobë czerënk régnął, mùszi sã zgłosëc minymum 25 chãtnëch.

Jinternetowô rekrutacyjnô systema rëszi 17 swiãtojańsczégò/czerwińca. Rejestracëjô pòtrëwô do 25. lipca.