Słuchaj Radia Kaszebe
    Kaszëbë jednota-2017

    Opublikowano 2 stycznia, 2017 | przez Adóm Hébel

    Kaszëbskô Jednota ògłosa Rok Kaszëbów westrzód słowiańsczich nôrodów

    2017 rok w Kaszëbsczi Jednoce minie pòd znakã słowiańsczi wespółrobòtë. W 200 roczëznã ùrodzeniô Floriana Cenôwë i równo 150 lat pò Słowiańsczim Zjezdze w Petersbùrgù to dô projechtë jaczé mają na celu zbrzątwienié sã z jinyma nôrodama Słowianów, taczima jak Łużëcczi Sorbòwie, czë Lemkòwie.

    – Më kòrzëstómë z rôczbë i sami rôczimë do wespółrobieniô na słowiańsczim gónie – gôdôł na naszi antenie przédnik Kaszëbsczi Jednotë Karól Róda.

    Kaszëbsczi nôród òd czasów Cenôwë trzimôł kòńtaktë z jinyma słowianama na dënëdze słowianofilsczich dejów. Dzysô takô wespółrobòta je pòtrzébnô temù, że, jak cwierdzą nôleżnicë Kaszëbsczi Jednotë më mómë pòdobné historie, żëjemë w pòstkòmùnistnëch państwach i na nowò szukómë swòji juwernotë. W kalãdôrz stałëch wëdarzeniów Jednotë wpisywô sã òrganizowóny we Wiôldżi Wsë Biég Jednotë Kaszëbów. Latos òkróm dwùch distansów dlô ùstnëch i biégù do Sławòszëna do placu ùrodzeniô Floriana Cenôwë òrganizatorowie przewidiwają biég dlô młodëch na 1238 métrów. Taczi òbrechòwóny co do métra distans mô symbòliczné znaczenié. Gôdkã z naszim gòscã to mòże pòsłëchac na radiokaszebe.pl. Ò Kaszëbsczi Jenoce mòże pòczëtac na jich stronie www.kaszebsko.com.

    Klëka Radia Kaszëbë, 02.01.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑