Słuchaj Radia Kaszebe
    Jinfòrmacëje

    Opublikowano 30 stycznia, 2018 | przez Adóm Hébel

    Klëka 2017.01.30 (csb)

    • Psalmë pò kaszëbskù – są na platce wëdóny dzãka Stowôrze Discantus z Gòwidlëna.
    • „Dôj w darënkù swòje włosë Karolënie” – w kòscérsczim krézu zaczãlë akcjã pòmòcë dlô 9 latnégò dzeùsa ze Skòrzewa.
    • We ferie òni stôwiają na edukacjã – w Chmielnie bezpłatné zajmë zaczinô LGR Kaszëbë.

    WTÓRK 30 stëcznika

    • W cénie bòżich skrzidłów – platkã z psalmama je wëdónô dzãka Stowôrze Discantus z Gòwidlëna.

    Pùblikacjô ta mô w se nowé, religijné dokazë młodëch pòmòrsczich kòmpòzytorów – Anë Rocawsczi-Mùszôłczik i Adama Diznera. Tekstë kòmpòzycjów to są wëbróné piesnie z Knédżi Psalmów Stôrégò Testameńtu w przekładze z hebrajsczégò jãzëka na kaszëbsczi ò. prof. Adama Riszarda Sykòrë. Dokazr na solowé głosë z towarzenim òrganów mają wëkònóné: Marzéna Michałowskô- sopran, Sławòmir Bronk – kòntratenór. Chcemë pòsłëchac. Pòwrózk do całégò dokazu je na stronie stowôrë Discantus. Platka „W céni Bòżëch skrzidłów – psalms” wëszła nakładã mùzyczny wëdôwiznë ARS Sonora i dzãka ùdëtkòwieniémù Minysterstwa Bënowëch Sprawów i Administracje.

    • „Dôj w darënkù włosë Karolënie” – pòd ti zéwiszczã w kòscérsczim krézu zaczãlë akcjã pòmòcë dlô 9 latnégò dzeùsa, co chòdzëje na plackòwaté łësenié.

    Przez chòrosc nigdë ji nie ùroscą włosë. Brzątwienié Karolënczi to je miec perukã z nôtërnëch włosów na I Kòmùniã Swiãtą. Za to przińdze nawet pôrã tësący zł. Pòmòc dzéwczątkù chce szkòłowô spòlëzna w Skòrzewie i balbiérsczi zalón z Łubianë. To je nót włosów na kòl 35 cm. – Czim wicy më jich zebierzemë tim mni przińdze za tã perukã – gôdô balbiôrka Éwa Sabisz. Òdemkłi dzéń „dlô Karolënë” mdze w balbiérsczim zalonie w Łubianie 5 gromicznika. To mdze mógł òbcąc włosë i dołożëc dëtków do akcje.

    • We ferie òni stôwiają na edukacjã – w Chmielnie bezpłatné zajmë zaczinô Môlowé Rëbacczé Karno Kaszëbë.

    To plasticzné warkòwnie i projekcje filmów 3D. Pòtkania mdą we wtórk, strzodã i czwiôrtk w tim i przińdnym tidzeniu. Më sparłãczimë edukacjã ze zôbawą – gôdô direchtór bióra LGR Katarzëna Hering. Ùdzél we wszëtczich zajmach je bezpłatny. To sygnie sã zgłosëc do sedzbë LGR Kaszëbë w Chmielnie, jakô je krótkò Ùrzãdu Gminë.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑