Słuchaj Radia Kaszebe
    Jinfòrmacëje

    Opublikowano 7 marca, 2017 | przez Adóm Hébel

    Klëka 2017.03.07 (csb)

    • Na półmetkù je ju pòstawienié nowégò Ceńtrum Kùlturë w Chònicach.
    • Młodi z Dãbnicë i Lëniewa sã pòtkelë na biwakù dze pòznôwelë robòtã gazétnika Radia Kaszëbë.
    • Òbrzészkòwò ze swòjim sprzãtã do lôtaniô – mają sã stawic czarownice na czwiôrti Sabat we Wejrowie.

     


    WTÓRK, 7 strëmiannika

    • Na półmetkù je ju pòstawienié nowégò – Ceńtrum Kùlturë w Chònicach.

    Długò żdónô w gardze jinwesticjô mô bëc fardich w rujanie. Bùdink donëchczasnégò Ceńtrum je mòdernizowóny, pòwstôwô téż nowé skrzidło. Tam mô bëc mòdernô teatralno-kinowô zala na 330 placów i zale do próbów a czwiczeniów. Są ju zrobioné wszëtczé robòtë gruńtowé i mùlarsczé – gôdô bùrméster Chòniców Arseniusz Finstér. Pòstawienié nowégò Ceńtrum Kùlturë w Chònicach kòsztô do gromadë 12 mëlionów zł, z czegò 3 mln to dało z eùrodëtków.

    • Na pòspólnym biwakù sã jintegrowelë młodi – co sã kaszëbsczégò ùczą w Dãbnicë i Lëniewie.

    Òb czas wikeńdu ùczniacë zwiedzywelë Kartuzë, pòznôwelë jãzëk a téż robòtã gazétnika Radia Kaszëbë. Relacjã mô przërëchtowóné Ana Cupa-Dzemińskô.

    • Òbrzészkòwò ze swòjim sprzãtã do lôtaniô – mają sã stawic heksë na czwiôrti Sabat we Wejrowie.

    Tradicjowò ju ósmégò strëmiannika òrganizëje gò Mùzeùm Kaszëbskò-Pòmòrsci Pismieniznë i Mùzyczi. Pòtkanié sã zacie kòńcertã spiéwnégò karna „MUZAika” – „Miłota, białczi i spiéw…”. To dô téż ùczałi dzél pòswiãcony òsoblëwie cotóm i òsoblëwô leżnosc cobë ùzdrzec tuńc heksów w wëkònanim białków z Kòła Wiejsczich Gòspòdëniów z Lãbòrsczégò Brzezna – rechùje direchtór wejrowsczégò mùzeùm Tomôsz Fópka. Ùczãstniczczi sabatu mùszą przińc ze sprzãtã do lôtaniô – to dô kònkùrs na nôczekawszé bédënczi. Zéńdzenié skùńczi wernisaż wëstôwkù malarstwa Zygmùńda Pałasza „Pałasz i Jego Muzy w Muzeum”. Czwiôrti Sabat w mùzeùm we Wejrowie mdze 8 strëmiannika òd 5 pò pôłnim do 9 wieczór.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑