Słuchaj Radia Kaszebe
    Jinfòrmacëje

    Opublikowano 14 marca, 2017 | przez Adóm Hébel

    Klëka 2017.03.14 (csb)

    • W Brusach, Pùckù i Kartuzach – tam nôwicy lëdzy mdze latos pisac maturã z kaszëbsczégò jãzëka.
    • 40 tësący złotëch òd krézowégò starostwa zmòcniło kòńto wejrowsczégò Grifa.
    • Nowi szpacérowi dreptôk w Rëmi òni pòstawią na Swiatowi Zjôzd Kaszëbów.

     


    WTÓRK, 14 strëmiannika

    • 20 lëdzy latos mdze zdôwac maturã – z kaszëbsczégò jãzëka.

    Nôwicy chãtnëch sã zgłosëło w szkòłach w Brusach, Pùckù i Kartuzach. Z ti lëczbë le 9 maturańtów ùdbało so téż gãbny egzam z tegò jãzëka zdawac. Wicy wiadłów we Fërtlowi Egzaminacjowi Kòmisje szëkała Ana Cupa-Dzemińskô.

    • Wejrowsczé krézowé starostwò zôs wespiarło nôwikszi w krézu – klub nożny balë – WKS Grif.

    Kòńto żôłto-czôrnëch zmòcniło 40 tësący złotëch. To je nôdgroda za efektë, aktiwné rozkòscérzanié spòrtu strzód młodëch i promòcjã całégò pòwiatu – gôdô nôleżnik zarządu wejrowsczégò starostwa Jack Tila. Dëtczi pùdą midzë jinyma na sprzãt i wëpòsażenié miónkarzów, a téż szkòlenia. – Kòżdô złotówka sã przëdô – gôdô przédnik Grifa, Pioter Wôga – bò na ti niwiznie rozgriwków to je drãgò ùłożëc bùdżet na całi sezón. Cwëk ùdëtkòwianiô żôłto-czôrny mają pòcwierdzoné w sobòtã, czej przed swòją pùblëcznoscą na Grzëpie Wòlnotë Grif Wejrowò dobéł 2:1 z fawòritã drëdżi lidżi, Raków Czãstochòwą.

    • Nowi dreptôk pòwstónie – w Rëmi.

    Òn mdze fardich do lata, bò wëszëznë gardu gò rëchtëją na 19-ti Swiatowi Zjôzd Kaszëbów. Nigle zacznie służëc rëmianóm, dreptôk òbòni swiãto, jaczégò latos më mdzemë gòspòdarzã – gôdô prowadny radzëznë gardu Ariel Sënicczi. Dreptôk pòwstónie w nôbarżi zelonym parce gardu, sparłãczi Gardowi Òstrzódk Kùlturë i Gardowi Òstrzódk Spòrtu i Rekreacje. Òkróm szpacérnégò dzéla to dô kòłową stegnã ë łôwczi. Dreptôk w Rëmi mdze kòsztôł kòle 900 tësący złotëch.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑