Słuchaj Radia Kaszebe
    Serwisy EFA

    Opublikowano 3 kwietnia, 2017 | przez Adóm Hébel

    Klëka 2017.04.03 (csb)

    • Kaszëbskô Jednota dosta pòpiarcé eùropejsczich pòlitików dlô ùznaniô nas za etniczną miészëznã.
    • Żonkilama mają zakwitłé „Pòla Nôdzeje” na kwesce na rzecz pòmòrsczich hòspicjów
    • Wicy jak wiertel mëliona złotëch dô kartësczi kréz na òdnowienié zabëtków.

     


    PÒNIEDZÔŁK, 3 łżëkwiata

    • Eùropejskô Wòlnô Przëstojizna na Zjezdze w Katowicach ùczëła apel Kaszëbsczi Jednotë – jaką reprezeńtowôł ji przédnik Karól Róda.

    Sprawã przëblëżi Adóm Hébel.

    • Żonkilama zbiérający dëtczi dzãkòwelë – w niedzelã za pòmòc pòmòrsczim hispicjóm.

    Szósti rôz bëła akcjô „Pòla Nôdzeje”. Wòluntérów w żôłtëch kòszulkach to mógł pòtkac na sztrasach Trzëgardu, Pùcka czë Kartuz. Blós na rzecz kartësczégò domôcégò hòspicjum to zbiérało dëtczi 300 chãtnëch. Òdzéw dobrzińców béł tak wiôldżi, że pòd kùńc to kwiatów nie sygło. Na dëtkòwą szprëcã ze wczorajszi zbiérczi hòspicja baro liczą- bò òna wëfùlowiwô bùdżet mùszebny do jich dzejaniô. W Kartuzach kòntrakt z NFZtã sygnie na dozér blós 11 z wicy jak 20 pacjeńtów – gôdô ks. Łukôsz Delewsczi z parafie pw sw. Wòjcecha w Kartuzach. Genaù lëczbã jaką sã ùdało zebrac na Pòmòrzim òb czas Pòlów Nôdzeje më pòznómë nôpózni w strzodã.

    Wicy jak wiertel mëliona złotëch kartësczi kréz – dô na òdnowienié zabëtków.

    Pieńdze dostnie piãc parafiów. Kartëskô kòlegiata zaczinô restaùracjã barokòwégò òbrazu – wiôlgòsc ùdëtkòwieniô to 29 tësący zl. 55 tësący trafi do żukòwsczi kòlegiatë, tam mdą zrobioné robòtë na chùrze. 60 tësący trafi do parafie w Chmielnie, strzodczi te wesprzą renowacjã óstowi elewacje. Parafiô w Gòrãczënie chce zaczic robòtã prżë scanach i stropie kòscoła, dostała na to 50 tës., zôd parafiô w Hòpòwie za 40 tësący mdze robic przë elewacje, malowanim scanów i renowacje scanów a dwiérzów. Pòtrzebë są wikszé, równak më chcemë tak dzelëc strzodczi, cobë kòżdi béł rôd – klarëje kartëskô starostwa Janina Kwiecéń. Tak prawie do parafie trafiło do gromadë 234 tës. zł.

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑