Słuchaj Radia Kaszebe
    Jinfòrmacëje

    Opublikowano 27 kwietnia, 2017 | przez Adóm Hébel

    Klëka 2017.04.27 (csb)

    • Za gôdanié ò swòjim państwie òdpòwiedzą przed Sądã – w Katalonie Rząd debatowôł ò samòstójnoce, mòżlëwé, że nielegalno.
    • Zabëtô pòwiesc Jana Rąpsczégò pòkôże sã w nowim wëdôwkù.
    • Slédnô szansa cobë zgłosëc w Rëmi swój projecht na mùral.

     


    CZWIÔRTK, 27 łżëkwiata

    • Za gôdanié ò swòjim państwie òdpòwiedzą przed Sądã – w Katalonie Rząd debatowôł ò samòstójnoce, mòżlëwé, że nielegalno.

    Na jednym z plenarnëch pòsedzeniów aùtonomicznégò parlameńtu jegò prowadnô Carme Forcadell pòzwòlëł na diskùsjã na témã rezolucje w sprawie ùtwòrzeniô państwa. To, wedle szpańsczi stronë je nielegalné. Ò tim czemù debata w katalońsczim parlameńce je ògreńcziwónô rzecze Adóm Hébel.

    • W zbiérach wejrowsczégò mùzeùm je rãkòpis Zrzeszińca – jaczi kù reszce dożdże sã òbrobieniô i wëdaniô.

    Robòta przë przepisywanim tekstu sã zaczãła, za przetwòrzenié tekstu na dzysdniowi pisënk bierze sã terôczasny prozajik Artur Jabłońsczi. Dokôz mô titel Ùrwónô spiéwa – je ò dzejarzach, jaczi mielë sã zéńc i wprowadzëc w żëcé wiôldżi plan òdrodë kaszëbsczégò nôrodu, ten zamëszlënk równak przerwało wëbùchniãcé II Swiatowi Wòjnë – zdradzywô Jabłońsczi. Dokôz nié blós témiznã mô czãżką, le téż jãzëk. To mdze jedno z wëzwaniów, na jaczé më so delë całi rok – gôdô direchtór Mùzeùm Kaszëbskò-Pòmòrsczi Pismieniznë i Mùzyczi we Wejrowie Tomôsz Fópka. Pòwiesc mdze wëdónô w 2018 rokù.

    • Slédnô leżnosc cobë zgłosëc w Rëmi swój projecht na mùral – nabór bédënków dérëje do witra.

    Kònkùrs prowadzy gardowi samòrząd, stolëmny malënk mô bëc wizytkôrtą gardu i pòzytiwno sã parłãczëc. Aùtór nôlepszi ùdbë dostnie 3 tës. zło, a pòsobné 14 tës. za jegò wëkònanié. Mùral mô òbzdobic scanã bùdinkù przë sztrase Dąbrowsczégò 5, mô prezeńtowac Rëmiã jakno mòderny i kreatiwny gard. Bédënczi to mòże składac do 28 łżëkwiata, malënk bë miôł pòwstac przed feriama.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑