Słuchaj Radia Kaszebe
    Jinfòrmacëje

    Opublikowano 8 maja, 2017 | przez Adóm Hébel

    Klëka 2017.05.08 (csb)

    • Katalońsczi rząd przed sądã – dzysô premiéra aùtonomicznégò regionu Szpanie zeznôwô w sprawie samòstójnotowi debate w parlameńce.
    • Nabór do kònkùrsu Snôżô Pòmòrskô Wies na finiszu.
    • Òd remòńtów sztrasów do zajmów dlô seniorów – w Rëmi mają pòdrechòwóné nabór do czwiôrti edicje òbëwatelsczégò bùdżetu.

     


    PÒNIEDZÔŁK, 8 maja

    • Carme Forcadell – przédniczka rządu Katalonie i ji sekretérka Anna Simó są wezwóné do sądu – za pòzwòlenié na debatã w sprawie samòstójnotë Katalonie.

    Wedle szpańsczégò rządu nawet diskùsjô ò tim w wëszëznach aùtonomie je nielegalnô. Katalońskô spòlëzna zapòwiedzała masowé òdprowadzenié swòji premiérczi do bùdinkù sądu. Sytuacjã przëblëżi Adóm Hébel.

    • Nabór do kònkùrsu Snôżô Pòmòrskô Wies sã kùńczi – môlëznë i òbéńdë mòże zgłosziwac do ùrzãdów gminów.

    To je 24-tô edicjô kònkùrsu jaczi mô ùprawiac kwalitet żëcô na wsach. Dobëtnô wies dostnie 30 tësący złotëch, nôdgrodą za pierszi plac w kategòrie „Òbéńda” je 5 tës. zł. – Pąktowóné je m. jin. dozéranié môlowëch tradicjów, stara ò nôtërné strzodowiszcze a we wsach wespółrobòta mieszkańców – rechùje Regina Klejna z Krézowégò Karna Gbùrsczi Doradzëznë w Kartuzach. Łoni w kòkùrsu wësztartowało 118 wsów i 217 òbéńdów, dobëła Stôrô Kòscelnica i gbùrstwò z Kôłpina w gminie Kartuzë. Regùlamin kònkùrsu „Snôżô Pòmòrskô Wies” je przistãpny m. jin. na pòrtalu pòmòrsczégò wòjewództwa www.pomorskie.eu.

    • Òd remòńtów sztrasów pò zajmë dlô seniorów – w Rëmi mają pòdrechòwóné nabór do czwiôrti edicje òbëwatelsczégò bùdżetu.

    Jak dôł wiédzã Ùrząd Gardu mieszkańcowie mają złożoné do gromadë 36 projechtów – w tim 23 jinwesticjowé i 13 spòlëznowëch. Są strzód nich bédënczi ùcwiardzeniô sztrasów, zrobienié kòłowi stegnë, pòstawienié parkplacu przë Spòdlëczny Szkòle nr 10, placów jigrów czë Gardkù Drogòwi Rëszbë. To dało téż ùdbë na programë czerowóné do młodëch, jak zajmë z przedmediczny pòmòcë czë profilakticzi rizykòwnëch zachòwaniów – midzë jinyma ò ùżiwkach i cyberprzemòcë. Są téż zgłoszoné projechtë ò prozdrowòtny profilaktice dlô mieszkańców gardu i zajmów dlô seniorów. Projechtë są pùblikòwóné na jinternetowi stronie Rëmi w zakłôdce pòswiãcony òbëwatelsczémù bùdżetowi. Terô prawie dérëje werifikacjô òd fòrmalny i meritoriczny stronë. Lësta wniosków dopùszczonëch do welowaniô mô bëc ògłoszonô do 25 zélnika. Do pòdzeleniô je półtora mëliona złotëch.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑