Słuchaj Radia Kaszebe
    Jinfòrmacëje

    Opublikowano 17 maja, 2017 | przez Adóm Hébel

    Klëka 2017.05.17 (csb)

    • Noc Mùzeów we Wejrowie to mdze wiôldżi zjôzd brodatëch.
    • Zaczãłë sã zapisë na dosztôłcywający kùrs dlô kaszëbistów jaczi mdze pòd kùńc czerwińca.
    • Miónczi mòtórów, rôjd trëkrów i dzéń dzecka – to je dzél programë trzëdniowi rozegracje, jakô na zôczątkù czerwińca mdze w Chòczewie.

     


    STRZODA, 17 maja

    • Nôblëższi wikeńd w całim kraju minie pòd znakã – Nocë Mùzeów.

    Dwiérze òdemkną nié le jinstitucje, jaczé na co dzéń rôczą na wëstôwczi, le téż jiné kùlturalné placówczi. Co czekô nocnëch gòscy we Wejrowie? Ò tim rzecze Adóm Hébel.

    • Zaczãłë sã zapisë na dosztôłcywający kùrs dlô kaszëbistów – jaczi mdze pòd kùńc czerwińca.

    Przërëchtowało gò Ceńtrum Kaszëbsczégò Jãzëka i Kùlturë w Jinstituce Pòlsczi Filologie Gduńsczégò Ùniwersytetu. To 24 gòdzënë zajmów na jaczich szkólny mdą zwiksziwac swòje ùmiejãtnoscë kònsztruòwaniô programów ùczbë kaszëbsczégò jãzëka w spòdlëczny szkòle. Kùrs mdze dérowôł 2 dnie na Kampùsu w Òlëwie: 24 ë 26 i 27 czerwińca pò 8 lekcjowëch gòdzënów na dzéń. Ùczãstnicë dostną pòtrzébé didakticzné materiale. Zajmë pòprowadzą: dr Éwa Andrzejewskô, mgr Danuta Pioch i dr Justina Pòmiérskô. To sã mòże zgłosziwac do 9 czerwińca przez elektroniczną pòcztã pòd adresą: centrumkaszubskie@ug.edu.pl. W planach je przeprowadzenié drëdżi edicje kùrsu w séwnikù.

    • Miónczi mòtórów, rôjd trëkrów i dzéń dzecka – to je dzél programë trzëdniowi rozegracje, jakô na zôczątkù czerwińca dze w Chòczewie.

    Òrganizowónô je pòd pòzwą „Zlot Pòjazdów i Rockòwi Festiwal MotoRock”, mdze dérowôł òd 2 do 4 czerwińca. Kòżdi mòże przińc i òbzérac abò prezeńtowac swój pòjôzd. Kòzdi wieczór na terenie zlotu mda rockòwé kòncertë, to dô téż m. jin. rôjd Cross Country, na jaczi zapisë ju warają. Klarowôł kòòrdinatór rozegracje w Chòczewie Kristión Wãska. To dô téż paradã trëkrów z wjôzdã na sztrąd i rôjd na jaczi kòżdi mòże przëjachac – jeżlë mô gbùrską maszinã – i zapisac sã przed sztartã. W programie trzëdniowi rozegracje je téż dzéń w jaczim mdze skòpicą atrakcjów dlô dzecy z leżnoscë jich swiãta. Gòspòdarzã tegò wëdarzeniô mdze szkòła w Chòczewie. Wszëtczé wiadła na témã czerwińcowégò zlotu mòże nalézc pòd jinternetową adresą: motorock.eu

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑