Słuchaj Radia Kaszebe
    Jinfòrmacëje

    Opublikowano 14 czerwca, 2017 | przez Adóm Hébel

    Klëka 2017.06.14 (csb)

    • Stolëmczi, Remùsczi, a mòże Miedwiôdczi? Kòscérzôcë diskùtérëją jak promòwac gard.
    • Metropòlitalnô Kôrta do Kùlturë parłãczi czëtińców i biblotéczi.
    • Kòńcertã w gdińsczi Rivierze karno Kaszëbsczi Idol Live zacznie w sobòtã tourneé pò Kaszëbach.

     


    STRZODA, 14 czerwińca

    • Stolëmczi, Remùsczi, a mòże Miedwiôdczi? – w Kòscérznie dérëje diskùsjô ò tim, jaczé pòstacje bë miałë gard promòwac.

    Wëszëznë chcą stwòrzëc szpùr figùrków z brązu, jaczé mdą turistną atrakcją, a w przińdnoce mdą leżnoscą do òrganizowaniô plenerowëch grów i wanogów. W ti sprawie mają ju zòrganizowóné spòlëznowé dogôdënczi i pòtkania z projechtańtã sztaturków Tomôszã Radzewiczã. Jich efektë mô sprawdzoné Ana Cupa-Dzemińskô.

    • Registrëjącë sã w nowi biblotece z Metropòlitalną Kôrtą do Kùlturë chcemë bôczëc, żebë persónkôrtã wząc – przëpòminają w Rëmi.

    Tamtészô Stacjô Kùltura je partnérã projechtu, do jaczégò nôleżą téż bibloteczi w Trzëgardze, Lëzënie, Redze, Wejrowie, Bólszewie, czë Pùckù. Czôrno-złotô kôrta dôwô mòżlëwòtã kòrzëstaniô ze zniżków w jinstitucjach kùlturë, kawnicach, ksãgarniach – lësta partnérów dërch rosce. Kôrta téż dôwô przistãp do zasobów partnérsczich bibloteków. W kòżdi je apartny limit ksążków do wëpòżëczeniô, le to sã mùszi zaregistrowac. Klarëje Ana Jackòwskô ze Stacje Kùltura w Rëmi. Metropòlitalną Kôrtã do Kùlturë to mòże dostac w kòżdi biblotece jakô je w projechce. Lësta partnérów jakô bédëje zniżczi je do dostaniô na jinternetowi stronie Wòjewódzczi i Gardowi Pùblëczny Bibloteczi we Gduńskù. Òstatnym czasã do akcje sã włączëła Ksãgarniô Kaszëbskò-Pòmòrsczégò Zrzeszeniô.

    • Kòńcert przë gdińsczi Rivierze zacznie w sobòtã tourneé – Kaszëbsczégò Idola Live pò Kaszëbach.

    Wëstãp najégò Super Karna to mdze dzél programë Kaszëbskô Riviera.
    W niedzelã to hańdlowé ceńtrum w Gdinie mdze w czôrno-złotëch farwach. Më mdzemë nadawac z Rivierë z najégò wëjôzdowégò sztudia, to dô warkòwnie kùńsztu. Na binie sã pòkôżą m. jin. teater Zymk, Karno Piesnie i Tuńca Serakòjce i Damroka. Pùblëcznosc rozgrzeje karno Kaszëbsczi Idol Live. Finaliscë najégò kònkùrsu dlô młodëch wòkalistów zgrelë sã na próbach. Czwiczelë m. jin. spiéw pòd dozérã Weronczi Kòrtas, jakô zapòwiôdô, że repertuar pòrwie naju do tuńca. Taksowała prowadzącô zajmë z tuńca Justina Bolek ze Slavica Dance. Kaszëbskô Riviera i nasza transmisjô z Gdinie ju w tã sobòtã, w gòdzënach 12:00-17:00.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑