Słuchaj Radia Kaszebe
    Jinfòrmacëje

    Opublikowano 2 października, 2017 | przez Adóm Hébel

    Klëka 2017.10.02 (csb)

    • Na zmiészenié sztopów ceńtrum Kòscérznë – dzãka òdemkłi wczora òbkrãżnicë – liczą mieszkańcowie gardu.
    • 90 % Katalónów pòpiarło w niedzélnym refereńdum òddzelenié òd Szpanie. Òkróm bilansu wëlowaniô je téż krëwawi bilans – 844 renionëch przez szpańską pòlicjã.
    • Remizë w Pòmieczińsczi Hëce i Stajszewie jak nowé – gmina Kartuzë mô je stermòmòdernizowóné.

    PÒNIEDZÔŁK, 2 rujana

    • Nowò pòstawionô òbkrãżnica Kòscérznë gwës zmiészi sztopë w miesce – tak cwierdzą mieszkańcowie.

    Z ji òdemkniãcô ceszëlë sã w sobòtã òb czas Òdemkłégò Dnia. Ùczãstnicë wzãlë ùdzél w sztrasowëch biégach i rôjdze na kòle przez nową trasã. Wrażenia zebrała Ana Cupa-Dzemińskô. Kòscérzna to béł dopiérze jeden z nôbarżi zasztopónëch gardów na Pòmòrzim. W latnym sezonie przez ji ceńtrum jachało kòl 25 tësący aùtołów. Nowô droga chùtczi rëszbë òmijô gard òd pôłniowi stronë i mô wnet 8 km. Za ji pòstawienié to przëszło 230 mln zł.

    • Katalónowie nimò zakazu i jinterwencje szpańsczi pòlicje przeprowadzëlë na terenie aùtonomie – refereńdum w sprawie stwòrzeniô Repùbliczi Katalonie.

    Są ju wstãpné rechùnczi wedle jaczich na 10 bierzącëch ùdzél w wëlowanim jaż 9 òpòwiedzało sã za. Skąd tak wiôldżé pòpiarcé i co to dô czej państwò wëlacjów nie ùznôwô? Ò tim Adóm Hébel.

    Fòjerwérë OSP w Pòmieczińsczi Hëce i Stajszewie jak nowé.

    Skùńczëłë sã jinwesticje gminë Kartuzë zrzeszoné z jich termòmòdernizacją. Dzãka remòńtóm remizë wëpiãkniałë, pòprawia sã téż jich energeticznô efektiwnosc – przez co mdą miészé kòsztë jich eksploatacje. – Do tegò w Stajszewie mają wëmienioné piéck na òlejowi – gôdô bùrméster Kartuz Grégór Gòłuńsczi. Termòmòdernizacjô fòjerwérów kòszta gminã Kartuzë wicy jak 187 tësący złotëch.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑