Słuchaj Radia Kaszebe
    Jinfòrmacëje

    Opublikowano 11 października, 2017 | przez Adóm Hébel

    Klëka 2017.10.11 (csb)

    • Kataloniô ògłosëła sã repùbliką. Równak na pòjawienié sã nowégò kraju na kôrce Eùropë mùszą jesz dożdac.
    • Do termòmòdernizacje szkòłë za półtora mëliona złotëch rëchtëją sã w Hélu.
    • Mieszkańcowie i lubińcowie Wejrowa sprawdzą swòjã wiédzã ò Wejrowim gardze. Warają zapië do trzecy edicje Kònkùrsu ò Wejrowie.

    STRZODA, 11 rujana

    • We wtórk przédnik rządu Katalońsczi Aùtonomie Carles Puidgemont pòprosył ò mańdat i pòdpisôł deklaracjã ùtwòrzeniô – Repùbliczi Katalonie niezanôléżny òd Królestwa Szpanie.

    To czegò w dokùmeńce braknie to data pòwòłaniô do żëcô nowégò państwa. Sprawie sã przëzérô Adóm Hébel.

    • Jesz w tim rokù samòrząd w Hélu mô rozrzeszëc przetôrdżi i rëgnąc z wôrt wicy jak półtora mëliona zł jinwesticją – termòmòdernizacją tamtészégò Karna Òglowòsztôłcącëch Szkòłów.

    Na jegò realizacjã gmina dosta wicy jak 630 tës. zł eùrodëtków. Nôwikszé nakładë pùdą na renowacjã tzw. stôri szkòłë – gôdô zôstãpca bùrméstra Hélu, Jarosłôw Pałkòwsczi. Równak nôwôżniészé dlô rojechtu zadania – wëmiana widów na ledowé i systemë ògrzéwaniô mdą sã tikac całégò szkòłowégò kòmpleksu. Termòmòdernizacjô Karna Òglowòsztôłcącëch Szkòłów w Hélu mdze dérowac do kùńca rujana na drëdżi rok.

    • Blós do 15 rujana to sã mòże zapisywac do trzecy edicje Kònkùrsu – Wiédzë ò Wejrowie m. Reginë Òsowicczi.

    Òn mdze 20 rujana. Ùczãstnicë rozrzeszą pisemny test. Szesc sztëk lëdzy jaczi gò nôlepi napiszą mdą we finale na pëtania òdpòwiadac. To sã mòże wëkazac wiédzą ò wôżnëch pòstacjach i wëdarzeniach z historie gardu – gôdô òrganizatór kònkùrsu Môrcen Drewa. Do kònkùrsu Wiédzë ò Wejrowie m. Reginë Òsowicczi to sã mòże zapisywac do 15 rujana, riwalizacjô mdze piãc dniów pózni w Karnie Szkòłów nr. 3. Regùlamin je przisqpny midzë jinyma na jinternetowi stronie wejherowo.pl

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑