Słuchaj Radia Kaszebe
    Jinfòrmacëje

    Opublikowano 12 października, 2017 | przez Adóm Hébel

    0

    Klëka 2017.10.12 (csb)

    • Zbiérają strzodczi cobë nôdgrodzëc nôlepszich kaszëbsczich maturańtów – Akademiô Głodnica i Stowôra Remùsowi Drësze
    • Méster Bëlnégò Czëtaniô corôz blëżi. Wiôldżi finał 15 gòdnika we wejrowsczim mùzeùm – sedzbie nowégò òrganizatora.
    • Jesz latos wëszëznë Kòscérznë ògłoszą pierszi przetôrg na pòstawienié deszczowi karnôlizacje.

    CZWIÔRTK, 12 rujana

    • Akademiô Głodnica i Stowôra Remùsowi Drësze – chcą ùczestnic nôlepszih maturańtów z kaszëbsczégò jãzëka.

    Zaczinają zbiérkã dëtków, jaczé mdą wrãcziwóné jakno nôdgroda za nôlepszé efektë z egzamù ùstnoscë. To je dalszi dzél – zaczãti ju 13 lat nazôd – jinicjatiwë ùmarłégò niedôwno Grégòra Szalewsczégò. Rëmsczi pòdjimôrz kòżdi rok fùńdowôł dlô nôlepszich kaszëbsczich maturańtów nôdgrodã 5 tësący złotëch. Òd 3 lat òna nie bëła wrãcziwónô. – Më chcemë ten czas nadrobic – zapòwiôdô przédniczka stowôrë Remùsowi Drësze Wańda Léw-Czedrowskô. Akademiô Głodnica i Remùsowi Drësze apelëją do biznesmenów – ò pòmòc w rëchtowanim dëtkòwëch nôdgrodów dlô maturańtów. Maturã z kaszëbsczégò jãzëka w òstatnëch trzech latach nôlepi mają napisóné: Malwina Laska i Éwelina Stefańskô z Liceùm w Kòscérznie i Gracjón Fópka z Przedkòwa. Nôdgrodë mają bëc wrãczoné 4 smùtana òb czas 16égò Kaszëbsczégò Diktańda w Bòjanie w gminie Szëmôłd.

    • Miónczi na nôlepi czëtającégò w rozmajitëch kategòriach – rëgnãłë pòsobny rôz.

    Tą razą òrganizatorã Méstra Bëlnégò Czëtaniô nie je bólszewskô bibloteka le Mùzeùm Kaszëbskò-Pòmòrsczi Pismieniznë i Mùzyczi we Wejrowie. Wiôldżi finał 15 gòdnika. Nômłodszi ùczãstnicë mdą sã mùszelë zmierzëc z tekstama Jerzégò Sampa, starszé Janusza Mamelsczégò, tedë Jana Drzéżdżóna, a ùstny mdą czëtelë prozã Stanisława Janczi. Fòrmùła sã nie zmieniła – żóden finalista nie mdze wiedzôł jaczi tekst jemù przëpadnie. – W młodszich kategòriach më chcelë zgódno z tim co gôdają szkólny dac prosté tekstë, barżi wëmôgający jesmë w przëtrôfkù ùstnëch – gôdô Dariusz Majkòwsczi, kòòrdinatór kònkùrsu. Finał mdze 15 gòdnika we wejrowsczim mùzeùm. Jinfòrmacje ò zapisach i samim kònkùrsu to mdze mógł nalézc na jinternetowi stronie mùzeùm.

    • Jesz latos wëszëznë Kòscérznë ògłoszą pierszi przetôrg – na pòstawienié deszczowi karnôlizacje.

    To je projecht na jaczi gard zwëskôł 17 mln zł eùrodëtków. Pòwstónie 15 km sécë na òsedlëszczach Zôpad, Tësąclecô i Za bansztrëką. Ùreglowónô mdze téż zléwniô rzéczi Bibrowi. Wszëtkò do 2020 rokù, le wëszëznë gardu w slédnym czsu mają tôkle z rozrzesziwanim przetôrgów. – Prizë są wiele wëższé, jak bëło założoné, temù më chcemë z wëprzédzenim ten przetôrg zaczic – gôdô bùrméster Michôł Majewsczi. Przez tôkle z rozrzeszenim przetôrgù, w Kòscérznie je ju òpóznionô rewitalizacjô banofù PKP. Béënczi wëkònywaczów bëłë ò 2 i pół mln wëższé jak kòsztoris ti jinwesticje.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.



    Dodaj komentarz

    Twój adres email nie zostanie opublikowany. Pola, których wypełnienie jest wymagane, są oznaczone symbolem *





    Back to Top ↑