Słuchaj Radia Kaszebe
    Jinfòrmacëje

    Opublikowano 24 października, 2017 | przez Adóm Hébel

    Klëka 2017.10.24 (csb)

    • Jón Trepczik wôżny dlô kaszëbiznë – wôżny dlô Naji Szkòłë – ùczniacë sã zapòznôwelë z jegò dokònaniama z leżnoscë 110 roczëznë ùrodzeniô.
    • Pòwstôł ùczałi òstrzódk jaczi sã zajimie rewitalizacją zagrożonëch jãzëków.
    • Chmielno i Bëtowò mają dobëté mùltimedialné warstatë – dzãka wiôldżémù wespiarcémù w jinternetowim plebiscyce.

    WTÓRK, 24 rujana

    • Plakatë malowelë, wiérztë recytowelë – ùczniacë Naji Szkòłë we Wejrowie sã zapòznelë z ùtwórstwã i dzejalnoscą Jana Trepczika.

    Ùtwórca kaszëbsczégò himnu i pòlskò-kaszëbsczégò słowarz, dzejôrz i bëlny piesniôrz ë pòéta. W niedzelã minãła 110-tô roczëzna ùrodzeniô Jana Trepczika. – Pamiãc i wiédza ò tim co bëło i je kaszëbsczé je wôżnym dzélã żëcégò w Naji Szkòlë pòdsztrëchùje dërechtór i szkólny Naji Szkòłë Karol Rhode. Zapòwiôdała Katarzëna Kankòwskô-Fëlipiôk. Fejrowanié roczëznë ùrodzeniô wespółzałóżcë cządnika Zrzesz Kaszëbskô jesz dérëją. W Gdinie 25 rujana mdze òdemkłi wëstôwk „Jón Trepczik – piesniodzéj kaszëbsczi zemie. W 110. roczëznã ùrodzeniô” – w Kaszëbsczim Fòrum Kùlturë. To dô téż pòtkanié z wespółùtwórcą ekspòzycje Radosławã Kamińsczim. Zôczątk ò 5:30 pò pôłnim.

    • Badérowanié jãzëków jaczim grozy wëmiarcé i pòmòc w jich rewitalizacje – tim sã mdze zajimôł pòwòłóny midzë jinyma na Warszawsczim Ùniwersytece òstrzódk.

    Centre for Research and Practice in Cultural Continuity to mô bëc pòmòst jaczi parłãczi ùczałëch z nôleżnikama etnicznëch i nôrodnëch miészëznów. Jak bądze fąkcjonowôł òstrzódk i jaczé mają bëc jegò zadania? Ò tim rzecze Adóm Hébel.

    • Chmielno wëbiôtkòwało mùltimedialny warstat – dzãka pòpiarcémù jinternaùtów.

    Ùdba na swietlëcã dobëła wicy jak22 tësące głosów. W òglowòpòlsczim plebiscyce warstat Orange Chmielno zajął 4 plac. Do gromadë mają zgłoszoné 63 lokalizacje a wiertel setczi dostnie mùltimedialny sprzãt, meble i stałé widoprowadné łączé. W Chmielnie móbilizacjô bëła wiôlgô, stąd tak wiôldżé pòpiarcé i fùl sukces – gôdô direchtórka Gminowégò Òstrzódka Kùlturë, Spòrtu i Rekreacje Édita Klôsa. Na premiowónym warstatã placu nalazło sã téż Bëtowò, jaczé w plebiscyce mô zebróné wicy jak 20 tës. głosów. Òficjalné efektë më pòznómë do 26 rujana. Òrganizatór mùszi sprawdzëc, czë głosë bëłë òddóné zgódno z reglama.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑