Słuchaj Radia Kaszebe
    Jinfòrmacëje

    Opublikowano 12 lutego, 2018 | przez Adóm Hébel

    Klëka 2018.02.12 (csb)

    • Czwiczëlë balowé zagrania i pòznôwelë Kaszëbë – młodi balownicë z akademie Cassubian.
    • Spòrtową niespòdzéwnotą sã skùńczi latos 10-tô jubileùszowô edicjô „kòscérsczi halówczi”.
    • Më mómë Zôpùstë, to je slédné dnie karnawału. Stôrim zwëkã gòspòdënie pieką pùrcle i radekùchë.

    PÒNIEDZÔLK, 12 gromicznika

    • Môłi miónkarze balowi akademie Cassubian z gminë Wejrowò – mają za sobą pierszi balowi òbóz.

    Kaszëbsczé karno czwiczëło nowé zagriwczi a téż sã jintegrowało przez pòspólné pòznôwanié kaszëbsczi kùlturë co òd zôczątkù bëło założenim Akademie. Na òbòzu bëło 25 knôpów, to je pòłowa szkółczi. Przede wszëtczim chcą sã nowëch zagraniów naùczëc i talent rozwijac. Chòc w rocznikach 2008-2012 jaczi trenëją w Akademie Cassubian to jidze nôbarżi ò zôbawã, to trenindżi bëłë wëmôgającé. Kòżdi dzéń to dało 3 treningòwé jednostczi. Nie zafelało równak jintegracje, zajmów na basenie czë pòznôwaniô swòji kùlturë, co je jednym z célów jistnieniô Akademie. Gôdô trenéra Mark Hébel. Balowô Akdemiô Cassubian na co dzéń trenëje w Bólszewie. Wiadła dlô tëch co chcą swòje dzecë zapisac do szkółczi są na stronie apcassubian.pl.

    • Spòrtową niespòdzéwnotą sã latos skùńczi 10 edicjô – Krézowi Halowi Lidżi Nożny Balë w kòscérsczim krézu.

    Nôlepszi z wnet 400 miónkarzów na finał zagrają z karnã fùtsalowi ekstraklasë Reddragon Pniewy. W latosy jubileùszowi edicje „kòscérsczi halówczi” zagrało do gromadë 26 karnów. Bez wicy jak 2 miesące co tidzéń miónkarze riwalizowelë w rozgriwkach nożny balë. Nôlepszich z nich më pòznómë 16 gromicznika na pòdrechòwanim rozgriwków. – Dwa dnie pózni dlô kibiców i miónkarzów òrganizatorowie szëkùją richtich niespòdzéwnotã – zapòwiôdô Grégór Switała, wicewójt gminë Kòscérzna. Mecz ò Pùchôr Drëszbë mdze 18 gromicznika w Widzawiszczowò-Spòrtowi Halë we Wiôldżim Klinczu. Òrganizatorowie to je gmina i miasto Kòscérzna ë kòscérsczi kréz.

    • Terô są Zôpùstë – to je slédné dnie karnawału.

    Gòspòdënie zgódno ze stôrim zwëkã wëpiekają pùrcle i radekùchë. Przódë to béł czas òdwiedzywaniô i picô wiôldżi wielënë alkòhòlu. Na stołach to dało sëté i miodné môltëchë, jak plińce z bùlew i gòlonczi. Tak sã rëchtowelë do nadchôdającégò Wiôldżégò Pòstu. Dzysô ta tradicjô zanikô, to le stôri lëdze sã tegò trzimią – kòméńtérëje Tadeùsz Makòwsczi, dzejôrz z Chmielna. Zôpùstë sã kùńczą we wtórk ò północë, pò tim je pòpielnô strzoda. To znaczi zôczątk Wiôldżégò Pòstu i żdanié za Jastrama. Przódë grôpczi i panéwczi na jaczich bëło miãso piekłé to mùszôł fest wëczëszczëc i schòwac a pòstné môltëchë to bëłë krëpë, bùlwë i slédze.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑