Słuchaj Radia Kaszebe
    Jinfòrmacëje

    Opublikowano 21 marca, 2018 | przez Adóm Hébel

    Klëka 2018.03.21 (csb)

    • 70 kamerów gardowégò mònitoringù òni zamòńtëją latos w Pùckù.
    • Fucus i Kòleczkòwianowie razã robią gebùrstach – to je kòńcertë we Wejrowie i gminie Szëmôłd.
    • Katolëckô Szkòła w Kartuzach mdze rozbùdowónô.

    STRZODA, 21 strëmiannika

    • Dzãka nima w Pùckù mô bëc barżi bezpieczno i czësto – gôdka je ò 70 nowëch kamérach gardowégò mònitoringù.

    To je dzél rewitalizacje ceńtrum gardu. Pòd òbserwacją je òkòlé wkół rinkù: Żeglarzów, 10 gromicznika, Nowi Swiat i Lëpòwô aléj – wëmieniwô bùrmésterka Pùcka Hana Pruchniewskô. Kamérë mają pòmòc fąkcjonariuszom pòprawic wëkriwalnosc przesprawów i wëkroczeniów. – To je jeden z nôlepszich métlów, chòc nie zastąpi bôrczlëwòscë Pùcanów i naszi – gôdô kòmeńdańt pùcczi gardowi strażë Grégór Szadkòwsczi. Nowé kamérë mònitoringù mdą w Pùckù zajinsztalowóné do kùńca tegò rokù.

    • To mdze pòspólnô szescdzesątka dwùch karnów – Kòleczkòwianowie mają latos 45 gebùrstach, a fòrmacjô Fucus na binie wëstãpiwô òd 15 lat.

    Fejrowac mdą na pòspólny, jubileùszowi kòńcertowi trase. Widzawiszczowé lëdowé tuńce sã sparłãczą z jirlandzczim fòlkã ju 6 łżëkwiata we Wejrowie – w Kaszëbsczi Filharmónie. Ùdba pòspólnégò fejrowaniô sã ùrodza przez przëtrôfk na kòńcerce w Rewie łońsczégò rokù – spòminô Tadéùsz Dargacz, czerownik karna Kòleczkòwianie. Zapòwiôdô Rafôł Rąpca, lidéra karna Fucus z Wejrowa. Premierowò to tuńcowò-mùzyczné widzawiszcze mdze zaprezeńtowóné w Kaszëbsczi Filharmónie 6 łżëkwiata. Slédné bilietë mògą zniknąc w kòżdim sztóce. Pòsobné kòńcertë mdą w gminie Szëmôłd, z jaczi pòchôdają nôleżnicë fòlkloristnégò karna Kòleczkòwianie.

    • Katolëckô Szkòła w Kartuzach – mdze rozbùdowónô.

    Robòta rëgnie pò Jastrach. To dô gimnasticzną zalã i nowé klasë. W szkòle jesz ni ma placu dlô starszich roczników pò refòrmie edukacje. Jinwesticjô mdze realizowónô etapama do séwnika na drëdżi rok. W pierszim pòwstónie sklép i partér, mają bëc fardihc do zélnika tegò rokù – gôdô direchtór szkòłë, ks. Grégór Kùdelsczi. Jak taksëje ks. Grégór Kùdelsczi rozbùdowa „katolëka” mdze kòsztac kòl 3,5 mln zł. Szkòła nie chce tegò robic na bórg, temù prosy ò pòmòc môlowëch firmów.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑