Słuchaj Radia Kaszebe
    Jinfòrmacëje

    Opublikowano 26 marca, 2018 | przez Adóm Hébel

    Klëka 2018.03.26 (csb)

    • W Katalonie zôs niespòkójno. Pò aresztowanim Puidgemonta w Miemcach lëdze masowò wëchôdają na sztrasë.
    • Wnet 4 i pół tësąca młodëch wzãło ùdzél w Swiatowim Dniu Młodzëznë w Kòscérznie.
    • W Kartuzach blós do nôblëższégò piątkù to mòże składac wniosczi ò kùlturalné sztipendium gminë.

    PÒNIEDZÔŁK, 26 strëmiannika

    • Prostestë w Katalonie – przebiwający na pòliticznym ùchôdstwie ùszłi prezydeńt Aùtonomie Carles Puidgemont w niedzelã béł aresztowóny krótkò Dëńsczi greńcë.

    Pò tim lëdze hùrmą wëszlë pòd miemiecczi kònsulat w Katalonie cobë wërazëc procëmstawienié ti decyzje. Ò sprawie rzecze Adóm Hébel.

    • Tësące młodëch zôs zjachało do Kòscérznë – żebë bëc na Swiatowim Dniu Młodzëznë. Pòtkanié bëło ju 33 rôz.

    Młodzëzna przeszła w procesje z palmama sztrasama gardu, bëła téż na mszë òdprawiony przez pelplińsczégò biskùpa ksãdza Riszarda Kasynã. Do Kòscérznë młodi wiérny przëjachelë z wnet piãcdzesąt parafiów pelplińsczi diecezje. Na kùńc kòscérsczégò pòtkaniô béł kòńcert karna Maleo Reggae Rockers.

    • W Kartuzach blós do piątkù to mòże składac wniosczi – ò kùlturalné sztipendium gminë.

    Òne są dôwóné lëdzóm co sã zajimają artistnym ùtwórstwã, rozkòscérzanim kùlturë abò dozérã nad zabëtkama. To mòże dostac òd tësąca do trzech tësący złotëch. Dëtczi mają jic na zrealizowanié òkreszlonégò rëchli zadaniô – gôdô bùrméster Grégór Gòłuńsczi. Wëfùlowóny wniosk ò sztipendium razã z òpisã planowóny pòdjimiznë i kòsztorisã to mòże składac do 30 strëmiannika w Biórze Òbsłëdżi Mieszkańca Gardowégò Ùrzãdu w Kartuzach.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑