Klëka 2018.03.27 (csb)
- W Gdinie pòwstónie nowô szkòła i przedszkòlé we fërtlu Chwarzno Wiczlëno.
- Na flot je nót medicznégò wëra dlô chòri z Pùcka. Dérëje zbiérka na jegò kùpienié.
- W Żukòwie sã zaczął nabiér wniosków w 3-cy edicje Òbëwatelsczégò Bùdżetu.
WTÓRK, 27 strëmiannika
- W Gdinie na Chwarznie – Wiczlënie pòwstónie nowi szkòłowò-przedszkòłowi kòmpleks za 69 mln zł – je pòdpisóny ùgôdënk z wëkònywaczã jinwesticje.
Òna mô zaspòkòjëc roscącé pòtrzébë tegò fërtla. Na zôczątkù rokù w Chwarznie-wiczlënie delë do brëkòwaniô przedszkòlé. – Terô je czas na pòstawienié jesz jednégò ze żłobkã i szkòłë ze spòrtowim zapleczim – gôdô Mark Stãpa, wiceprezydeńt Gdinie. Szkòłowi kòmpleks pòwstónie krótkò sztrasów Wiczlińsczi i Filipkòwsczégò. Dwapawilonowi òbiekt z gimnasticzną zalą zmiescy 650 ùczniaków, a apartny bùdink dlô przedszkòlô z 8 partama – 200 dzecy. Pòstawią téż nowi drogòwi ùstôw jaczi zagwësni wigódny dojôzd do placówczi. 69 mln zł na pòstawienié kòmpleksu na Chwarznie- Wiczlënie gard wëłożi z bùdżetu. Ùczniacë mają zaczic ùczbã w nowi szkòle w séwnikù 2019
- Na flot òni brëkùją medicznégò wëra – dlô chòri z Pùcka.
Dérëje zbiérka na jegò kùpienié. Prowadzy jã lëzyńskô stowôra Siej Ziarno jakô twòrzi bezpłatną wëpòżiczalniã medicznégò sprzãtu. Mediczné wëre razã z materacã zabezpiecziwô chòrégò przed òdleżinama, pòmôgô familie czë dozérnicóm w dozéranim, a w mòmeńce zagróżbë pòmôgô w reanimacje. – Taczégò sprzãtu më do dispòzycje ni mómë, ale natëchstopach mómë ògłoszoné zbiérkã na jegò kùpienié – klarëje Dawid Czoska ze stowôrë Siej Ziarno. Na kùpienié medicznégò wëra dlô Pùcónczi to je nót 3 tës. zł., dopiérze sã ùdało zebrac niécałé 20% ti kwòtë. Pòmòc to mòże przez wespiéranié jinternetowi zbiérczi. Całi czas prowadzoné są téż licytacje na rzecz célów stowôrë. Wicy mòże przeczëtac na facebookòwim profilu Stowôrë Siej Ziarno.
- W Żukòwie sã zaczął nabiér wniosków w trzecy edicje Òbëwatelsczégò Bùdżetu – do rozdaniô je 200 tës zł.
Bédënczi wëzwëskaniô wëdzélonégò partu bùdżetu gminë mògą skłądac mieszkańcowie gardu, jaczi mają 16 lat skùńczoné i zbierzą 25 pòdpisów pòd swòjim projechtã. To je téż wôżné, żebë ùdbë sã tikałë pòtrzebów kònkretnégò fërtla, jak Dolnégò, Élżbietowa, Norbertanków, Nowégò i Wëbicczégò. w ùszłëch 2 edicjach wëbrelë 4 projechtë. – To dało kłopòtë z wëbranim wëkònywacza, le bùméster Wòjcech Kankòwsczi mô nôdzejã, że to nie zniechãcy latosëch wnioskòdôwôczów. Nabiér do 3-cy edicje Òbëwatelsczégò Bùdżetu w Żukòwie sã zaczął 19 strëmiannika i mdze dérowôł do 30 łżëkwiata. Jô przëbôczã, że szlachùjącé procedurë warają prawie w Lãbòrgù i Wejrowie.
Radio Kaszëbë, 11:55
0
0
O zespole
Adóm Hébel Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.
Zobacz również
Klëka 2018.04.20 (csb) →
Klëka 2018.04.19 (csb) →
Klëka 2018.04.18 (csb) →
