Słuchaj Radia Kaszebe
    Jinfòrmacëje

    Opublikowano 4 kwietnia, 2018 | przez Adóm Hébel

    Klëka 2018.04.04 (csb)

    • Minority SafePack mô spòlëznowé pòpiarcé – ùtwórcóm projechtu pakétu prawów miészëznów sã ùdało zebrac mëlión pòdpisów.
    • 11 mëlionów przejachónëch kilométrów, 900 tës. nowëch klijeńtów – Pòmòrsczi Òstrzódk Drogòwi Rëszbë pòdrechòwiwô 20 lat jistnieniô.
    • Kaszëbë to je dobri plac na spãdzenié siwãtów – przekònywają miéwcowie gòscyńców, jaczi mają za sobą robòcé dnie.

    STRZODA, 4 łżëkwiata

    • Sukces bezpaństwòwëch nôrodów w Eùropie – to sã ùdało zebrac mëlión pòdpisów jaczé są nót, żebë Minority SafePack miało szansã bëc wprowadzoné.

    To są jednolité prawa co regùlëją przistãp do edukacje, mediów i jinëch gónów żëcô w swòjim òjczëstim jãzëkù. Na Kaszëbach pòdpisë bëłë zbiéróné na zjezdze młodzëznowëch miészëznowëch òrganizacjów, a téż na Gduńsczim Ùniwersytece òb czas Òdemkłégò Dnia, na jaczim sztudérze Etnofilologie rôczëlë do pòpiarcô projecht. Jednym ze zaangażowónëch béł znóny z naji antenë Gracjón Fópka. Gôdôł na aùdicje Wikeńd Fùl Gãbą. Akcjô sã pòtka z wiôldżim zajinteresowanim strzód Kaszëbów, le pòdpisë bëłë zbiéróné na terenie całi Eùropejsczi Ùnie. Do wtórkù to mógł wesprzéc Minority SafePacke żebë zwikszëc lëczbã deklaracjów. Terô projecht trafi do wëszëznów Eùropejsczi Ùnie i jakno òbëwatelskô jinicjatiwa mdze pòddónô diskùsje. Jeżlë mdze wprowadzonô tej w całi Eùropejsczi Ùnie më mdzemë mielë zagwësnioné przistãp do mediów w swòjim jãzëkù, edukacje, a téż mòżlëwòtã wikszégò cëskù taczich grëpów jak Kaszëbi na pòliticzné żëcé, tak, cobë wëszëznë na rozmajitëch szczeblach wicy bôczënkù dôwałë môłim jãzëkóm i kùlturóm.

    • 11 mln przejachónëch kilométrów, 900 tësący pòzytiwno zdónëch egzamów na prawò jazdë – Pòmòrsczi Òstrzódk Drogòwi Rëszbë pòdrechòwiwô 20 lat jistnieniô.

    W tim czasu sã stôł mòderną placówką i drëdzną kańdidatóm na szoférów. Terô przédnô sedzba PORD je przë sztrase Równy we Gduńskù. Egzminacjowi plac je zadaszony, aùtołë parkùją w garażowi halë. Òd 8 lat dzejô téż gardk drogòwi rëszbë, dze są przeprowadzywóné egzamë na mòtocyklowé kategòrie. Kańdidacë na szoférów sprzed dwùch dekadów jezdzëlë maluchama. Do dispòzycje bëłë téż Fiat 125 p, Pòlonéz ë Fiatë Uno, Punto i Toyotë Yaris. Łoni kùpilë 20 aùtołów Kia Rio, a to nie je kùńc planów zrzeszonëch z wëmianą flotë, gôdô Róman Nowôk, direchtór Pòmòrsczégò Òstrzódka Drogòwi Rëszbë we Gduńskù. Za môłą òpłatą kòżdi szoféra mòże skòrzëstac z zajmów na pòslëzgòwëch platach Aùtodromù w Pszczółkach. To je jeden z elemeńtów edukacjowi dzejalnoscë òstzódka. Pòmòrsczi Òstrzódk Drogòwi Rëszbë dôwô wiôldżi òbacht na wigòdã zdôwającëch ,dodôwô Róman Nowôk. Terôzka PODR mô sedzbã we Gduńskù i Gdinie. Egzamë są prowadzoné w gòdzënach òd 6:00 reno do 10:00 wieczór. W planach je pòstawienié egzaminacjowi filie w Chònicach.

    • Swiãta wikszi dzél z naju spãdzył doma abò na gòcënie – kòl kréwnëch i drëchów.

    2 % spòlëznë sã zdecydowało równak przeżëc Jastrë w gòscyńcach i penzjonatach. Wigòda, przërëchtowónô kùchniô i atrakcje to jedno, letników przëcygô téż kaszëbsczi klimat swiãtów – przekònywô Maria Kòstëch, miéwcka jednégò z hòtelów w Chmielnie. Gòsce Sztorëmòwi Grzëpë pòznôwelë nié le kùchniã, le téż zwëczi taczé jak dëgòwanié. We wikszim dzélu to są mieszkańcowie wiôldżich gardów, co przëjéżdżają całą familią. W nadczidnionym gòscyńcu 80% klijeńtów to lëdze co tam wrôcają kòżdi rok i znają ju czësto dobrze kaszëbsczi klimat.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑