Słuchaj Radia Kaszebe
    Jinfòrmacëje

    Opublikowano 29 maja, 2018 | przez Adóm Hébel

    Klëka 2018.05.29 (csb)

    • Chcemë sã òb lato na Kaszëbach pòtkac! Pòmòrsczi marszôłk apelëje cobë ferie spãdzëc na terenach przez jaczé łoni przeszła chaja.
    • W Lëni za dwie niedzele mdze wernisaż wëstôwkù z wësziwkã.
    • W Somòninie òni przëjimają zgłoszenia do V Przezérkù Wieselnëch Karnów.

    WTÓRK, 29 maja

    • Chcemë sã na Kaszëbach òb lato pòtkac! – Pòmòrsczi marszôłk apelëje cobë ferie spãdzëc na terenach przez jaczé przeszła chaja.

    Mieszkańcowie szkòdowónëch gminów dali brëkùją pòmòcë. – Tak jak më wëcmanim zbiérelë pieńdze i darë i pòmôgelë w òdbùdowanim, tak terô më mòżemë pòmòc i prawie tam wëpòcząc – apelëje Marszôłk Mieczisłôw Sztruk w materiale video, jaczé mdze pùblikòwóny na spòlëznowëch mediach. W zélnikòwi chaje ùcerpiało 31 gminów z 10 krézów. Nôwikszé znikwienié to dało w bëtowsczim krézu w gminach Parchòwò i Stëdzeńce, w chònicczim w Brusach, Chònicach i Czerskù, w kòscérsczim w Dzemiónach, Kôrsënie i Lëpùszu a w kartësczim w Serakòjcach i Sëlëczënie.

    • W Lëni òni ju wiedzą chto dobéł latosy – Wòjewódzczi Kònkùrs Kaszëbsczégò Wësziwkù.

    Nôlepszé dokazë zaprezeńtëją na òficjalnym rozrzeszenim za dwie niedzele. Òne są wëbróné z westrzód 440 wësłónëch przez 200 wësziwôczów i wësziwôczków. Ten prestiżowi kònkùrs je ju wicy jak 20 lat òrganizowóny. – Dzãka niemù je kùltiwòwónô naja tradicjô, a młodé pòkòlenia mają leżnosc jã ùchòwiwac – gôdô direchtór Gminowégò Dodomù Kùlturë w Lëni Jón Trofimòwicz. Latos pòkònkùrsowi wëstôwk mdą mielë leżnosc òbezdrzec pòliticë w sejmie – dodôwô Jón Trofimòwicz. Werniaż wëstôwkù dokazó z nôsnôżni i misterno wëszëtima mòtiwama mdze 12 czerwińca w zalë Gminowégò Dodomù Kùlturë w Lëni. To mdze jã mógł tam òbzérac do kùńca lëpińca.

    • W Somòninie òni żdżą za zgłoszeniama do V Przezérkù Wieselnëch Karnów – rozegracjô mdze w pòłowie lëpińca.

    Prezeńtëją sã na ni karna co grają na leżnoscowëch rozegracjach. Kòżdi mô kòl pół gòdzënë na wëstãp przed pùblëcznoscą zebróną pòd biną i radiama. To mùszi przekònac do se łëchińców Radia Kaszëbë, jaczi w sms-owim welowanim wëbierzą dobiwcã. – Lëczba placów je ògreńczonô, decydëje pòsobica zgłoszeniów karnów – zastrzégô Marión Kòwalewsczi, direchtór Gminowégò Òstrzódka Kùlturë w Somòninie. Regùlamin i kôrta zgłoszeniów są przistãpné na jinternetowi stronie Gminowégò Òstrzódka Kùlturë w Somòninie. V Przezérk Wieselnëch Karnów mdze 12 lëpińca.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑