Słuchaj Radia Kaszebe
    Jinfòrmacëje

    Opublikowano 30 maja, 2018 | przez Adóm Hébel

    Klëka 2018.05.30 (csb)

    • Na Dzéń Dzecka w swiece kaszëbsczich zôbôwków rôczi wejrowsczé mùzeùm i szkòła.
    • Do 1 czerwińca to mòże licytowac Fiata 126p. Strzodczi z licytacje trafią na sztatutowé céle fùndacje m. ks. Kaczkòwsczégò.
    • Wdzydzczé mùzeùm wëprzédnioné za wëstôwk czerowóny do dzecy.

    STRZODA, 30 maja

    • Zôbawë z animatorkama i wëstôwk zôbôwków z kònkùrsu Spòlëznowi Szkòłë we Wejrowie – na taczi Dzéń Dzecka rôczi Mùzeùm Kaszëbskò-Pòmòrsczi Pismieniznë i Mùzyczi.

    1 czerwińca ò 10:00 w Pałacu Przebendowsczich to dô ògłoszenié wëników kònkùrsu na nôczekawszą zôbôwkã jinspirowóną kaszëbską kùlturą, jaką òrganizëje Ana Hébel, szkólnô spòlëznowi szkòłë m. Janusza Kòrczaka we Wejrowie. Równak cos dlô se nalézą wszëtczé dzecë, co lubią sã bawic – zapòwiôdô Róman Drzéżdżón z wejrowsczégò mùzeùm. Przede wszëtczim dzecë ùzdrzą jak jich kòlegòwie i kòleżanczi rozmieją stwòrzëc przedmiotë, jaczima to sã mòże bawic a przë leżnoscë pòznawac kaszëbską kùlturã i jãzëk. 1 Kònkùrs na Zôbôwkã Jinspirowóną Kaszëbską Kùlturą to wedle òrganizatorów dobri zôczątk do rozwijaniô zdolnosców młodëch lëdzy – do szkòłë przëszło 20 dokazów, dobiwców pòznómë na piątkòwim Dniu Dzecka w mùzeùm we Wejrowie.

    • Ju wicy jak 6 tës. zł bédëją licytatorowie – za kòlekcjonérsczégò Fiata 126P.

    Strzodczi ze sprzedaniô pòjazdu pùdą na sztatutowé céle fùndacje m. ks. Kaczkòwsczégò. To je ùdba grëpë lubińców mòtorizacje ze Serakòjców. Rëchli znóny „maluch” béł òdrestaùrowóny, nalëmilë téż szlachòtã nieżëjącégò ju załóżcë Pùcczégò Hòspicjum. Wicy ò sprawie rzeczë Pioter Szëca. Licytacjô sã skùńczi 1 czerwińca ò 1 pò pôłnim.

    • Mùzeùm miona Gùlgòwsczich we Wdzydzach wëprzédnioné – w prestiżowim kònkùrsuna mùżealné wëdarzenié rokù.

    Sybilla to nôdgroda ò jaką biôtkùją mùzea w rozmajitëch kategòriach. Wdzydzkô placówka dosta wëprzédnienié za czekawi bédënk dlô nômłodszich. Jurorowie achtnãlë to, że nasz wëstôwk przëblëżiwô robòtã mùzealnika, a téż pòzwòliwô dosłowno dotknąc historie – pòwiôdô Bartosz Stachòwiôk z Mùzeùm Etnografnégò Parkù we Wdzydzach. Wëprzédniony wëstôwk to mòże całi czas òbzérac w kôce przeniosłi na teren parkù z Òseka.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑