Słuchaj Radia Kaszebe
    Jinfòrmacëje

    Opublikowano 20 czerwca, 2018 | przez Adóm Hébel

    Klëka 2018.06.20 (csb)

    • 4,5 mln zł na kùpienié sprzãtu mediczny retowiznë dô pòmòrsczim Dobrowólnym Fòjerwéróm Minysterstwò Sprawiedlëwòtë.
    • Teater z Lëzëna jakno jedurny z wòjewództwa na eliminacjach òglowòpòlsczégò przezérkù wiejsczich karnów.
    • W pòmòrsczim wòjewództwie òficjalno rëgnãłë pierszé kąpielëszcza.

    STRZODA, 20 czerwińca

    • 4,5 mln na kùpienié sprzãtu mediczny retowiznë dô pòmòrsczim – Dobrowólnym Fòjerwéróm Minysterstwò Sprawiedlëwòtë.

    Dëtkòwą pòmòc dostną wnet wszëtczé jednostczi w wòjewództwie. Nôwicy strzodków trafi do ògniarzów w Kłobùczënie, Lëniewie i Stôri Kiszewie. Ùdëtkòwienié jidze z Fùnduszu Sprawiedlëwòtë, w jegò òbrëmienim Minysterstwò rozdispònowało w całi Pòlsce wnet 100 mln zł. Pieńdze mają jic na kùpienié zestôwków techniczny retowiznë, defibrilatorów, mechanicznëch żôgów czë móbilnëch zestôwków widów. Pasowé ùgôdënczi z przedstôwcama Minysterstwa mają ju pòdpisóné wójtowie kònkretnëch gminów. – To je zacht pòmòc dlô ògniarzów – taksëje Grégór Piechòwsczi, wójt gminë Kòscérzna. W kòscérsczim krézu ùdëtkòwienié dostnie jaż 20 jednostków na wnet 300 tës zł.

    • Kaszëbsczi teater reprezeńtowóny przez jedno karno – mdze zaprezeńtowóny w Kaczorach we Wiôlgòpòlsce.

    Ta grëpa to Dramaticzny Teater z Lëzëna, a przezérk na jaczim wëstąpią to eliminacje do Sejmikù Teatru Pòlsczi Wsë w Tarnogrodze. Latos w pierszim etapie wëstąpi 9 karnów z wòjewództwów: zôpadnopòmòrsczégò, pòmòrsczégò, kùjawskò-pòmòrsczégò i wiôlgòpòlsczégò. Czãżkò je przewidzec jak sã mdze widza nasza ùdba, bò nie òpiérómë sã ò jeden òbrzãdowi tekst, le chcemë òpisac zwëczi z całégò rokù – klarëje Maria Krosnickô, przédniczka teatru. Eliminacje do Sejmikù Teatru Pòlsczi Wsë mdą w niedzelã. Lëzyńsczi teater zapòwiôdô, że niezanôleżno òd werdiktu òbsądzëcelów òni bądą wëstôwielë dokôz ò òbrzãdowim rokù na kaszëbsczich binach.

    • W pòmòrsczim wòjewództwie òficjalno rëgnãłë ju – pierszé kąpielëszcza.

    Më sã zamòczimë m. jin. w Gduńsczim Wikù midzë mòlo a wlézenim nr 23 w Sopòtach, czë we Wdzydzach. Nimò, że wòda je ju cepłô to mùszi òpasowac na zakwit sëniców. Kąpielëszczowi kôrce sã przëzdrzôł Pioter Szëca. W pòmòrsczim wòjewództwie w latosym kąpielowim sezonie mają zòrganizowóné 105 kąpielëszczów wëznaczonëch pasownyma ùchwôlënkama radzëznów gminów.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑