Słuchaj Radia Kaszebe
    Jinfòrmacëje

    Opublikowano 9 lipca, 2018 | przez Adóm Hébel

    Klëka 2018.07.09 (csb)

    • Wërazył wdzãcznosc, że më sã nie rozpłënãlë w pòlsczi spòlëznie – prezydeńt Andrzéj Duda na Zjezdze Kaszëbów.
    • Na wëpòczink òb czas feriów to je wôrt jachac na terenë przez jaczé łoni chaja przeszła – przëbôcziwô pòmòrsczi marszôłk.
    • W Nocną Rézã pòd celtã – pùdą ùczãstnicë Nocowaniô w Mùzeùm Gardu Gdinie.

    PÒNIEDZÔŁK, 9 lëpińca

    • Swiatowi Zjôzd Kaszëbów w Lëzënie przëcygnął hùrmë midzë jinyma – przez wizytã głowë państwa.

    Andrzéj Duda przemówił do ùczãstników Zjôzdu na ùroczëstim òdemkniãcym. Wërazył wdzãcznosc za dërchanié przë kaszëbsczich wôrtnotach i pòdsztrichnął rolã naji spòlëznë w pòlsczim państwie, jaczé latos fejrëje 100-lecé òdzwëskaniô samòstójnotë. Bëtnosc prezydeńta zdzywiła ùczãstników, bò chòc to nie pierszi rôz czej głowa państwa je na Zjezdze, jesz nigdë nie bëło tëli òchronë. Na placu béł Adóm Hébel. Na wëpòczink we ferie to je wôrt wëbrac terenë dotkniãcé łońską chają – przëbôcziwô pòmòrsczi marszôłk.

    • Z apelã ò wespiarcé mieszkańców tëch terenów Mieczisłôw Sztruk sã zwrócył pò kùńc maja – czej dôwôł bôczenié, że òni dali brëkùją naji pòmòcë.

    Jima mòże pòmòc przez to że sã skòrzëstô z noclegów, gastronomie i drëdżich turistnëch ùsłëgów – gôdô marszôłk Sztruk i òbiecywô, że w to lato 2 niedzele òn spãdzy w Tëchòlsczich Bòrach. Stratë pò łońsczi chaje mają wëcenioné na wicy jak 2 i pół mld zł. Ùcerpiało 31 gminów w 10 krézach – w tim w chònicczim, kòscérsczim i kartësczim.

    • Rozbic celt w… mùzeùm i jic w nocny rejs – to mòże w Mùzeùm Gardu Gdinie na Nocowanim.

    To mdze 20 lëpińca. Familijné noce fùl wrażeniów są dlô tëch co chcą òsoblëwie spãdzëc kòlmòrską noc – gôdô Tomôsz Sosnowsczi z òstrzódka edukacje Mùzeùm Gardu Gdinie. Wlézenié je bilietowóné, òbsztëlowac plac na Nocowanim to mòże przez jinternetowi fòrmùlar. Ferie w Mùzeùm Gardu Gdinie to téż m. jin. piątkòwé warkòwnie dlô dzecy òrganizowóné w òpiarcym ò aktualné wëstôwczi.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑