Słuchaj Radia Kaszebe
    Jinfòrmacëje

    Opublikowano 10 października, 2018 | przez Adóm Hébel

    Klëka 2018.10.10 (csb)

    • Artisticzné przedstawienié Pùsti Nocë bédëją w tim tidzeniu artiscë, strzód nich Macéj Miecznikòwsczi.
    • Bëłë prezeńtowóné w Miemcach, Rusëje i Chinach – kù reszce trafiłë do Kòscérznë. W ti klëce ò òsoblëwim kùńszce robieniô kwiatów z papióru.
    • We wejrowsczim Parkù Aleksandra Majkòwsczégò dzecë pòznôwałë rodã.

    STRZODA, 10 rujana

    • Do refleksje ò przemijanim i pamiãcë ò ùmarłëch rôczą artiscë – pòd czerownictwã Wòjcecha Rëbakòwsczégò.

    Pùstô noc – nigle òdéńdzesz dëszo to je mùzyczno-wizualny szpëtôkel, jaczi przëblëżiwô przedpògrzébòwi zwëk i jegò teòlogiczné spòdlé. Zaspiwają Katarzëna Biereckô i Macéj Miecznikòwsczi, aùtorã mùzyczi je Cézari Pôcórk, dirigòwac mdze Jack Brzoznowsczi, reżiséra szpëtôklu to je Wòjcech Rëbakòwsczi. To dô téż wątk jaczi dô wiele aùtenticznoscë. Gôdôł na naji antenie Wòjcech Rëbakòwsczi. To równak nie je pòkôzanié zwëkù jeden do jednégò, le jegò artisticznô jinterpretacjô.Dëchòwé przeżëca mdą zòbrazowóné wizualizacjama przërëchtowónyma przez Artura Wëszëcczégò i Wòjcecha Òstrowsczégò. Tekst napisôł Jerzi Stachùrsczi. Pierszi przedstôwk mdze 11 rujana we wejrowsczi kòlegiace ò 7:30 wieczór. Dzéń pózni ò ti sami gòdzënie artiscë wëstąpią w kòlegiace w Gdinie.

    • Maczi, mòdrôczi, słuneczniczi, czë malwë – kwiatë z ògrodów, ale zrobioné z papióru to mòże òbzérac – na wëstôwkù w Centrum Kaszëbsczi Kùlturë „Strzélnica” w Kòscérznie.

    Jich aùtórka to je znónô artistka Bògùmiła Bednark. Swòje dokazë prezeńtowa ju m. jin. na warkòwniach i tôrgach w Miemcach, Rusëje i Chinach. Òd czile diów ji dokazë z bibùłë to mòże pòdzywiac w Kòscérznie. Wëstôwk to mòże òbzérac kòżdi dzéń w Ceńtrum Kùlturë Strzélnica w Kòscérznie.

    • We wejrowsczim Parkù Aleksandra Majkòwsczégò dzecë pòznôwałë rodã – na edukacjowim szpacérze.

    Przed rézą ùczniacë spòdlëczny szkòłë nr 9 we Wejrowie mielë teòreticzné zajmë na jaczich sã doznelë midzë jinyma jak òdróżniwac zortë ptôchów przez pióra, czë wëdôwóné zwãczi. Relacjã przërëchtowôł Gracjón Fópka.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑