Słuchaj Radia Kaszebe
    Jinfòrmacëje

    Opublikowano 31 października, 2018 | przez Adóm Hébel

    Klëka 2018.10.31 (csb)

    • Wiedno blëżi do drëdżi turë samòrządowëch welacjów. W Chmielnie w debace wzął ùdzél blós jeden kańdidat
    • Niespòdzéwné wiodro i môłé prizë to je przëczëna likwidacje plantacjów pòtrôwniców na Kaszëbach
    • Rap w wëkònanim Anczi Damroczi i Tomasza Fópczi – na zymk premiéra nowi platczi

    Strzoda, 31 rujana

    • W Chmielnie bëła debata kańdidatów na wójta gminë – w pierszi turze òdpedlë – Magdaléna Pòkòjskô i Andrzéj Czaja.

    W drëdżi turze wësztartëją Michôł Melibruda, jaczi dostôł niecałé 43% pòpiarcô i Maria Piotrowiôk z 25% pòpiarcô. Le wej, Maria Piotrowiôk sã nie pòjawia na debace, a fùlmòcnik Welownégò Kòmitetu wëdôł krótczé òbswiôdczenié. Na pëtania gazétników i mieszkańców gminë òdpòwiôdôł tej blós Michôł Melibruda, jaczi sã skùpił nôbarżi na sprawach bùdżetu. Drëgô tura bądze w niedzelã. Chmielno to je jedurnô w kartësczim krézu gmina, w jaczi ò wëbranim wójta zdecydëje dogriwka.

    • Za pôrã lat Kaszëbë mògą przestac bëc pòtrôwnicowim krajã – wiedno mni gbùrów sã decydëje na likwidacjã gónów.

    Przëczëną je niespòdzéwné wiodro i môłé prizë. Nôzdeja na ùprawienié sytuacje to mòże bëc certifikacjô produktu i lepszô promòcjô – do taczich wniosków doszlë plantatorowie i ekspercë, jaczi ò kòndicje kaszëbsczi malënë debatowelë w Chmielnie. Gôdôł z nima Pioter Szëca.

    • Na zymk wëdadzą rapòwą platkã aùtorstwa – Anczi Damroczi i Tomasza Fópczi.

    Nagrania mdą przeprowadzoné òb zëmã, ale prapremiéra dwùch singlów ju bëła – w rédzczi Fabrice Kùlturë. Aùtorowie zagwësniwają, żę zaprezeńtowóné dokazë to le przedszmaka dalszich niespòdzéwnotów. Mùzykã do dokazów skòmpònowôł Tadeùsz Kòrtas.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑