Klëka 2019.03.11 (csb)

Dziennikarz , 11 marca 2019

  • Kaszëbskô Jednota to fùlprawny nôleżnik Wòlny Eùropejsczi Przëstojiznë.
  • W Rëmi wëdelë tësąc bezpłatnëch Bùszków Żëcô a przëstãpnëch jesz je dwa razë tëli.
  • W kartësczim krézu niefùlsprawny sztudérze mògą miec starã ò ùdëtkòwienié kòsztów edukacje.

Posłuchaj – Kliknij tutaj!


Pòniedzôłk, 11 marca

  • Kaszëbskô Jednota pò corocznym zjezdze w Brusel – wrôcô jakno fùlprawny nôleżnik ti òrganizacje.

Ju 4 lata mia sztatus nôleżnika-òbzérnika. Ò tim jaczé prawa przësłëgiwają reprezeńtańtowi Kaszëbów w midzënôrodnëch sztrukturach rzecze Adóm Hébel.

  • Bùszczi żëcô dërch żdżą za chãtnyma – przëbôcziwają w Rëmi.

Donëchczas òni mają wëdóné trzecy dzél zestôwków w akcje, co sã zacza łoni w aprilu. Czerowónô je do niefùlsprawnëch i tëch co mają 65 rok żëcô skùńczoné. Môłé, czerwòné statczi mają spòdlëczné mediczné jinfòrmacje jaczich je nót przë pòmganim w sytuacje zagróżbë żëcégò – klarëje wicebùrméster Rëmi Pioter Witbrot. Dopiérze òdebrelë tësąc z trzech tësący przëstãpnëch Bùszków Żëcégò. Òne są do dostaniô w Gardowim Ùrzãdze. W planach je téż ùprzëstãpnienié zestôwków w rëmsczich przëchòdniach. Bùszczi żëcégò są bezpłatné. To je mòże òdebrac we Wëdzélu Spòlëznowëch Sprawów Ùrzãdu Gardu Rëmi.

  • W Kartësczim krézu niefùlsprawny sztudérze mògą miec starã – ò ùdëtkòwienié kòsztów edukacje.

Zaczãlë nabiér wniosków w òbrëmienim programë Aktiwny Samòrząd. Dëtkòwą pòmòc mògą dostac ti co chòdzą do pòlicealny szkòłë, kòlegium abò wëższi szkòłë. Pòmòc jidze do lëdzy z zachtnym, abò strzédnym gradã niefùlsprawnoscë. – To je mòże dac m. jin na refùndacjã czesnégò – gôdô direchtór kartësczégò PCPR – Grégór Mikicuk. Wniosczi w kartësczim PCPRze bądą przëjimóné do 30 marca.

  • Ò Rzucewie w cządze kamienia – je nowô pùblikacjô wëdónô – przez gduńsczé Archeòlogiczné Mùzeùm.

Bądze promòwónô 22 marca we Gduńskù. Môlëzna w gminie Pùck to je òd wicy jak 100 lat wôżny pąkt na archeòlogiczny kôrce Pòmòrzô. Jednak dërch brakło całownégò òbrobieniô prowadzonëch tam badérowaniów. Ten rum wëfùlowiwô ksążka „Zespół osadniczy z epoki kamienia” przërëchtowónô przez ekspertów z ùczałëch jinstitucjów z Pòlsczi i zagreńcë. Zaprezeńtowelë w ni wiele nieznónëch donëchczas òdkrëców, òsoblëwëch w eùropejsczi skalë. Pùblikacjô mdze promòwónô 22 marca ò 12:00 w Dodomù Przërodników przë sztrase Mariacczi we Gduńskù. Wstãp na wëdarzenié je bezpłatny.

Radio Kaszëbë, 11:55 


Opinie słuchaczy

Zostaw opinię

Twój adres e-mail nie będzie opublikowany. Wymagane pola są zaznaczone *



Current track

Title

Artist

Background