Słuchaj Radia Kaszebe
    Zjazd Kaszubów

    Opublikowano 10 maja, 2018 | przez Adóm Hébel

    Lëzëno 7 lëpińca bądze rozspiéwóné na Zjezdze Kaszëbów

    Hùrmë spiéwającëch sã spòdzéwają na Swiatowim Zjezdze Kaszëbów, na jaczim bãdze akcjô “Pòspólné Kaszëbów Spiéwanié” – wëkònanié 3 dokazów dirigòwónëch przez Anã Łukaszik ze Żelëstrzewa.

    – Cél akcje to je zôchãcba do syganiô do naszégò repertuaru nié le przez profesjonalëstów – gôdô ùdbòdôwôcz akcje Tomôsz Fópka.

    Kòżdi mòże dołączëc do spiéwù i wëkònac spòkójné Kaszëbsczé Jezora, welech Welewetkã i nawiązywającą do placu wëdarzeniô frantówkã ò Lëzënie. To mdze pierszô edicjô Pòspólnégò Spiéwaniô, nié przez przëtrôfk na plac je wëbróné Lëzëno, jaczé je niefòrmalną Mùzyczną Stolëcą Kaszëb. Swiãto jaczim je Zjôzd mô bëc tedë zôczątkã spiéwny przigòdë. Kòżdi chto chce wëkònywac dokazë bãdze mógł wząc szpecjalny biuletin z załączonym spiéwnikã na Zjezdze.

    Jinicjatór akcje Tomôsz Fópka zachãcywô téż do jiny leżnoscë na wëkònywanié piesniów – Kaszëbsczégò Jidola, jaczégò przesłëchania zaczną sã ju w pòniedzôłk. W historie pòsobnëch edicjów widzymë jak wiele kònkùrs dôł jegò laùreatóm – pòdsztrichiwô. Przesłëchania sztartëją w pòniedzôłk, dze i czedë mòże sã pòjawic je òpisóné na radiokaszebe.pl.

    Klëka Radia Kaszëbë, 10.05.2018 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑