Midzënôrodné projechtë planëje realizowac LOT Nordowé Kaszëbë
Dziennikarz Radio Kaszëbë, 18 stycznia 2019
To mdze jintensywny rok dlô Môlowi Turistny òrganizacje Nordowé Kaszëbë. Nimò òdéńdzeniô jednégò z partnérów – gardu Pùcka òrganizacjô robi przë wëdôwiznach co promùją Nordã i robi pòdjimiznë co mają letników przëcygac.
– W projecht sã zaangażowało 13 pòdmiotów z rozmajitëch państwów – gôdała przédniczka Òrganizacje Nordowé Kaszëbë Marta Balickô.
Më zaczinómë wespółrobòtã co sã tikô dwòrów i pałaców pôłniowégò Bôłtu. Drëdżima rozegracjama mdą m. jin. Dzéń Rëbë i Wina i te zrzeszoné z Militarnym Szpùrã Nordë. Militariada łoni bëła òblégónô, temù më latos chcemë wëzwëskac pòtencjal, jaczi dôwają nordowé zabëtczi – gôda na naji antenie Barbara Mùdlawa z LOT Nordowé Kaszëbë. Dzejalnosc Nordowëch Kaszëb to nié le rozegracje, le téż szkòlenia dlô turistnëch prowadników i jinfòrmatorów. Wôżnô je téż wëdôwnô dzejalnosc. Specyfikã kòlmòrsczi rodë to mòże pòznawac w prowadnikù “Kaszuby Północne na 4 pory roku”, latos mô wińc téż albùm.
Ò dzejalnoscë môlowi turistny òrganizacje wa przeczëtôta na kaszubypolnocne.pl.
Klëka Radia Kaszëbë, 18.01.2019
Głosy słuchaczy
Czytaj dalej
