Słuchaj Radia Kaszebe
    NW Kaszëbë

    Opublikowano 22 kwietnia, 2016 | przez Adóm Hébel

    Młodi dlô regionu – alternatiwa dlô stôrëch?

    Mało chto wié, le òrganizacjów dze më mòżemë cos dlô Kaszëb zrobic je wicy jak jedna, dwie… Më gôdómë z Młodima dlô Regionu – stowôrą ze Szëmôłda, jakô je czësto òddólną jinicjatiwą. Kaszëbsczé wieczórczi, le téż òbëwatelskô robòta, to są jich dzejania.

    Co czekawé, jich przédnik Mateùsz Ruczkò, jistno jak jesz pôrã nôleżników nie je z gminë Szëmôłd, a dzejania stowôrë òbjimają szerszi krąg.

    29 łżëkwiata Młodi dlô regionu i Bibloteka w Szëmôłdze rôczą na V Kaszëbsczi Wieczór. Przë leżnoscë më chcemë sprawdzëc, czë jich òrganizacjô to je bùńt procëm stôrim, skòtniałim sztrukturóm, czë prosto nowô ùdba na rinkù dejów kaszëbiznë.

    W najim sztudiu bëlë téż weteranowie kaszëbsczich dzejaniów. Jiréna Piastowskô z bibloteczi w Szëmôłdze pòwiôda ò midzëpòkòleniowi wespółrobòce w gminie.

    Młodi dlô regionu są dokazã na to, że nié blós Zrzeszenié robi cos dlô kaszëbiznë. A jak ta nôstarszô òrganizacjô na jinëch dzejarzów zdrzi? Nierôz je widzec zôzdrosc, abò felënk chãcë wespółrobòtë, le nié tuwò. Më sã ceszimë, że młodi są aktiwny i rôd z nima wespółrobimë – gôdô Jón Dargôcz, przwdnik szëmôłdzczégò kòła K-PZ.

    Na widnikù Kaszëbë, 21.04.2016

     

     

    Udostępnij: Share on Facebook8Share on Google+0Print this pageEmail this to someone

    Tagi: , ,


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑