Słuchaj Radia Kaszebe

    Opublikowano 31 maja, 2017 | przez Adóm Hébel

    Môrcën Dréwa – Dëchòwô stolëca mdze wita pò kaszëbskù

    Wjéżdżającëch do Wejrowa mdą witac tôflë jinfòrmùjącé, że sã je w Dëchòwi Stolëcë Kaszëb.

    „Pòstawienié tôflë to mòże bëc zygnal do debatë nad wprowadzenim debëltnëch pòzwów Wejrowa. (…) Ta jinicjatiwa parłãczi wszëtczé strzodowiszcza, jaczé we wôżnëch sprawach rozmieją dzejac razã” – gôdô Môrën Dréwa, wejrowsczi radny.

    Tôflë przë wjazdach do Wejrowa mają stanąc w nôblëższim czasu. Nôdpisë szlachùją za tima jaczé są na tôflach ùstawionëch we Gduńskù i Kartuzach. Jinicjatór akcje, wejrowsczi radny Môrcën Drewa dostôł pòpiarcé dlô ti ùdbë z krézowégò starostwa i gardu Wejrowa. Terô żdże za robòtą kòmisje, jakô mô przërëchtowac kòsztoris i dofùlowac fòrmalnoscë. Na Kaszëbach są rozmajité place kùltu, le ni ma wątplëwòtë, że religijną stolëcą je Wejrowò – przekònywôł w naji pòrénkòwi aùdicje Môrcën Drewa.

    Terô procedurama zajimô sã kòmisjô w ùrzãdze gardu, jinicjatorowie zwrócą sã téż do Radzëznë Kaszëbsczégò Jãzëka z prosbą ò jãzëkòwą kònsultacjã. Môrcen Dréwa nie ùkriwô, że pòstawienié ti tôflë òdmikô mòżlëwòtã wprowadzeniô debëltny pòzwë môlëznë.  Gôdkã z najim gòscã je do òbezdrzeniô na radiokaszebe.pl, swòje zdanié mòżeta wërazëc na facebookòwim profilu Radia Kaszëbë pòd òdjimkã z tôflą.

    Dobri Dzéń Kaszëbë, 31.05.2017 8:10

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑