Słuchaj Radia Kaszebe
    Wiôlgô Wies

    Opublikowano 17 lutego, 2017 | przez Adóm Hébel

    Nowô pòzycjô wëdôwiznë Òskôr ze Gduńska

    Przeńdzenié òd rëbacczich wsów do ùzdrowiszczów – je òpisóné w ksążce Grétë Abramòwicz pt. „Natchnieni morzem… Władysławowo – ludzie i ich historie”.

    Nowô pòzycjô wëdôwiznë Òskôr ze Gduńska pòkazywô historiã Wiôldżi Wsë w cządze zôczątkù jistnieniô II RP. Ten czas, baro lëchò zapamiãtóny przez spòlëznã miôł równak wiôldżi cësk na gòspòdarczi rozwij ùbrzégù. Pierszi rôz czëtińcowie z ksążką sã mòglë zapòznac 11 gromicznika, data nie bëła przëtrôfkòwô – gôdôł w aùdicje Na widnikù Kaszëbë Tomôsz Czapla z wëdôwiznë Òskôr. To i jiné wëdarzenia są òpisóné na kôrtach ksążczi Grétë Abramòwicz i òbònioné anegdotama z tegò cządu. Ksążka to je téż tcza òddónô tima chtërny doprowadzëlë do zmianë charakteru kaszëbsczégò ùbrzégù. W tim karnie sã nalezlë Pòlôszë taczi jak ni mający dobri sławë gen. Halér, le téż Kaszëbi, na przikłôd Aùgùstin Necel, czë Jakób Mëslisz. Ksążka je do kùpieniô na stronie Lëteracczi Maszoperie. Całą gôdkã z widnikòwim gòscã Tomszã Czaplą to mdze mógł òbezdrzec na radiokaszebe.pl.

    Foto: Gmina Władysławowo

    Klëka Radia Kaszëbë, 17.02.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑