Słuchaj Radia Kaszebe

    Opublikowano 29 listopada, 2017 | przez Adóm Hébel

    Òlimpiada Wiédzë ò Kaszëbach i Pòmòrzim – wiôldżi turniér szkòłów

    Emòcjonëjącô riwalizacjô zapòwiôdô sã na I Wòjewódzczi Òlimpiadze Wiédzë ò Kaszëbach i Pòmòrzim w Rëmi.

    „Z rozmajitëch przëczënów më chcemë, żebë lëdze z bùtna téż mielë leżnosc sã wëkazac w òlimpiadze” – gôdała na naji antenie Gréta Zych, kòòrdinatórka kònkùrsu.

    Robòta w karnie, szerokô wiédza i ùmiejãtnosc zaprezeńtowaniô sã – to je klucz do dobëcô w kònkùrsu òrganizowónym òd 18 lat w Karnie Wëżigimnazjowëch Szkòłów Nr 1 w Rëmi. Ju w czwiôrtk zaprezeńtëją sã tam karna ze strzédnëch szkòłów wejrowsczégò krézu i nié leno.

    Kònkùrs je pòdzelony a trzë etapë. Grëpa jakô do gromadë dobãdze nôwicy pąktów w tesce jesz ni mòże sã czëc dobiwcą, bò kòmisjô mdze òceniwa jesz jich prezentacje, a we finale mdą pùblëczno òdpòwiôdelë na òglowé pëtania i òmôwielë zagadnienia zrzeszoné z historią, kùlturą, lëteraturą, czë geògrafią tatczëznë. Mdze téż elemeńt sztrategiczny – karna mdą decydowac jaką niwiznã drãgòscë wëbrac. Prostszé pëtanié to wikszô szansa na dobrą òdpòwiesc, le te drãżészé dôwają wicy pąktów. Òrganizatorowie są téż czekawi, czim sã zgłoszony ùczãstnicë wëkôżą w prezentacjach. Latos mògą wëbrac strzód sztërzëch témów. To są Józef Chełmòwsczi, jakno patrón rokù, Jón Drzéżdżón w 80-tą roczëznã ùrodzeniô, Stolëcë Kaszëb i Place zachòwaniô ùmarłëch dzejarzi.

    Emòcjonëjącô rozgriwka sã zacznie w czwiôrtk ò 9:30 w Karnie Wëżigimnazjowëch Szkòłów Nr 1 w Rëmi.

    Dobri Dzéń Kaszëbë, 29.11.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑